Ndari 4:6 - ÎVUKU RÎA ÛVORO MWARO

⁶ Nîmakaarîkunîkîra na rûûo rwa mbûri rûrî rûtanduke na matandîke gîtambaa Kîam rangi wa vururu îgûrû rîa kîo, macoke macinîke mîtî ya kûrîkuua.

Ndari 4:6 ပူးပေါင်းရင်းမြစ်များ

Ntha 25:10

“Tuma îthandûkû rîa mîtî ya mîgaa, rîa ûraca wa cendimita îgana rîa îkûmi (110), na wariî wa cendimita mîrongo îtandatû na ithathatû (66), na ûraca na îgûrû wîganene na wariî.

Ntha 35:19

na matume nguo mbaro mûno cia gwîkagîrwa nî athînjîri-Ngai rîrîa magûtungata marî vandû varîa vatheru. Nguo icio nî irîa ntheru cia Aroni na cia avîcî ake cia gwîkagîra rîrîa magûtungata.”

Ntha 39:1

Bezaleli na Oholiabu nîmaatûmîre ndigi cia rangi wa vururu, njambarawe, na rangi ndune gûtuma nguo mbaro mûno cia gwîkîragwa nî athînjîri-Ngai vîndî îrîa megûtungata marî vandû varîa vatheru. Maatumire nguo cia Mûthînjîri-Ngai Aroni wata ûrîa Ngai-Mûnene aathîte Musa.

Ntha 39:41

nguo itumîtwe waro cia gwîkîrwa nî athînjîri-Ngai marî vandû varîa vatheru, nguo ntheru cia Aroni, mûthînjîri-Ngai na cia avîcî ake.

Ndari 4:14

Nîmakaaiga indo cionthe cia metha ya kîgongoona vau metharî îo. Nacio indo icio nî: tûraî twa mwaki, mînyoge, iciko cia kûvura mûu na mbakûri, na maikunîkîre na rûûo rwa mbûri rûrî rûtanduke na macoke macokie mîtî îrîa îmîkuuaga.

Ndari 4:25

mbathia ya mûromo wa îthandûkû rîa kîrîkanîro, îgema rîa Ngai-Mûnene vamwe na gîtambaa kîrîa kîrîkunîkagîra na rûûo rwa mbûri rûrîa rûkunîkaga îgûrû rîa kîo.

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.