Ndari 4:15 - ÎVUKU RÎA ÛVORO MWARO

¹⁵ Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Ndari 4:15 ပူးပေါင်းရင်းမြစ်များ

2Sam 15:24

Zadoku mûthînjîri-Ngai vamwe na Alawi onthe, nîmaarûmîrîre mûthamaki Daudi makuuîte îthandûkû rîa kîrîkanîro Kîam Ngai-Mûnene. Nîmaaigire îthandûkû rîu nthî na matiarîoca rîngî nginya rîrîa andû onthe maarîkirie kuuma îtûûrarî rîu. Wanake Abiatha mûthînjîri-Ngai aarî vo.

2Sam 6:13

Na rîrîa andû acio maakuîte îthandûkû rîa Kîrîkanîro maakinyûkirie makinyo matandatû, Daudi nîwamarûngamirie na akîrutîra Ngai-Mûnene îgongoona rîa ndegwa na njaû ino noru.

1Atha 8:3

Rîrîa atongoria onthe maaûnganire vamwe, athînjîri-Ngai nîmaakuuire îthandûkû rîa kîrîkanîro Kîam Ngai-Mûnene

1Maû 15:15

Alawi nîmaakuuire îthandûkû rîa kîrîkanîro Kîam Ngai. Maavûthîre mîtî kûrîkuua na ituro wata ûrîa Ngai-Mûnene aathanîte na njîra ya Musa.

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

1Maû 23:26

Kwoguo Alawi tîmacoka gûkuua rîngî îgema rîa Ngai-Mûnene kana kîndû wa kîonthe gîa gûtûmîrwa vîndî ya kûgooca.”

Ntha 19:12

Nawe ûgeekîra mîvaka kûthiûrûrûkîria kîrîma nîguo andû matigakîre. Îra andû memenyerere gûtikagîe mûndû ûkunûkia kîrîmarî kana agîkuvîvîrie. Mûndû wa wonthe ûgaakuvîvîria kîrîma nîakaaûragwa.

Ntha 19:21

na Ngai-Mûnene akîmwîra atîrî, “Nyûrûrûka ûthiî ûgakaanie andû matigakîre mûvaka maûka kûnjûthîrîria, nîûndû mangîka ûguo eengî ao nîmagaakua.

Ntha 27:7

Ûcoke ûmîkîre îtonyerere marimarî ma icûvi nîguo îthîrwe îrî mîenarî îîrî ya metha ya kîgongoona rîrîa metha îo îkuuîtwe.

Alawi 16:13

Aroni arî vau mbere ya Ngai-Mûnene nîagekîra ûbani mwakirî, nîguo ndogo ya ûbani îkaamika gîkunîko Kîam îthandûkû rîa kîrîkanîro nîguo ndagakîone akua.

Ndari 1:50

Vandû va ûguo, tua andû a mûvîrîga wa Lawi a gûkuuaga îthandûkû rîa kîrîkanîro vamwe na indo ciarîo cionthe. Nwanginya mamenyagîrîre îthandûkû rîu na matume magema mao marîthiûrûrûkîrîtie.

Ndari 1:51

Vîndî îrîa îgema rîgûkuuwa, Alawi nîo makaarîambûranagia, na vîndî îrîa rîkûrûngamua, nwao makaarîambaga. Mûgeni wa wonthe ûkarîkuvagîrîria nîakaaûragwa.

Ndari 10:21

Nao Alawi kuuma mûvîrîgarî wa Kohathu nîo maarûmagîrîra makuuîte indo irîa ntheru. Narîo îgema rîa gûcemanîrua nîrîambagwa rîngî mbere ya makinya.

Ndari 18:3

Makaarutaga mawîra marîa ûkaamavecaga, na matungatage îgemarî. Nwatî matiagîrîrwe nî gûkuvîvîria indo cia vandû varîa vatheru kana metha ya kîgongoona, nîûndû mûngîgeeka ûguo, we wana o, nî mûgaakua.

Ndari 3:38

Musa, Aroni na avîcî ake maambire magema mao mwena wa îrathîro wa îgema rîa Ngai-Mûnene. Wîra wao warî wa gûtungata Vandû varîa Vatheru vandûrî va andû a Isiraeli, na mûndû wîngî wa wonthe ûngîageririe kûruta wîra ûcio nîkwa angîaûragirwe.

Ndari 4:14

Nîmakaaiga indo cionthe cia metha ya kîgongoona vau metharî îo. Nacio indo icio nî: tûraî twa mwaki, mînyoge, iciko cia kûvura mûu na mbakûri, na maikunîkîre na rûûo rwa mbûri rûrî rûtanduke na macoke macokie mîtî îrîa îmîkuuaga.

Ndari 4:19

makinya vakuvî na indo irîa nyamûre, nîguo matigaakue. Nîguo ûndû ûcio ndûgekîke, Aroni na ciana ciake nîmakaagaîra wa mûndû wîra na eere mûndû kîrîa agûkuua.

Ndari 4:20

Nwatî andû a mûvîrîga wa Kohathu mangîgaatonya îgemarî rîa gûcemanîrua na mone mûthînjîri-Ngai akîvarîrîria indo irîa nyamûre nîmagaakua.”

Ndari 7:9

Nwatî Musa ndaanengera andû a Kohathu gîkaari kana ndegwa wanarî îmwe nîûndû wîra wao warî wa gûkuua indo irîa nyamûre, na maaikuuaga na ituro.

Gûco 31:9

Musa nîwandîkire watho wa Ngai na akîûnenganîra kûrî athînjîri-Ngai, Alawi arîa maakuuaga îthandûkû rîa kîrîkanîro Kîam Ngai-Mûnene na atongoria onthe a Isiraeli.

Josh 4:10

Athînjîri-Ngai arîa maakuuîte îthandûkû rîa kîrîkanîro nîmeekarire marûngamîte gatagatî ka rûnjî nginya rîrîa andû meekire maûndû monthe kûringana na ûrîa Joshua aathîtwe nî Ngai-Mûnene ameere. Ûguo nîguo Joshua aathîtwe nî Musa. Andû nîmaaringire rûnjî rwa Jorodani na îvenya.

1Sam 6:19

Nake Ngai-Mûnene akîûraga andû mîrongo mûgwanja a kûu Bethi-shemeshu nîûndû nîmaaroririe ndaarî ya îthandûkû rîa Kîrîkanîro rîa Ngai-Mûnene. Nao andû acio engî makîgua kîeva nîûndû wa ûrîa Ngai-Mûnene aaûragîte andû eengî gatagatîrî kao.