Ndari 32:5 - ÎVUKU RÎA ÛVORO MWARO

⁵ Kwoguo ethîrwa nwa mwîtîkîre tûramûria na gîtîîo mûtûve vûrûri ûyû ûtuîke wetû, na mûtigatwîre tûthiî tûgatûûre mûringo wa rûnjî rwa Jorodani.”

Ndari 32:5 ပူးပေါင်းရင်းမြစ်များ

Kîam 19:19

Mue nîmûmonetie ntha nyîngî na mwavonokia mwoyo wakwa. Nwatî irîma irî kûraca mûno na navota gûkuîra njîrarî ndarî mûkinyu kuo.

2Sam 14:22

Joabu nîwenamîrîre mbere ya mûthamaki na gîtîîo na akîmwîra atîrî, “Ngai arokûrathima mwathi wakwa mûthamaki! Rîu nînamenya, atî nîngûkenetie nîûndû nîwetîkîra kûmbîka ûrîa ngûrîtie.”

Esita 5:2

Rîrîa mûthamaki oonire Esita arûngamîte vau nja, nîwakenirue nîke na akîmûnengereria mûragi wake wa wathani wa thaavu ûrîa aanyitîte. Esita nîwathiîre na akînyita mûthiia wa mûragi ûcio.

Jeremia 31:2

Ngai-Mûnene arauga atîrî, “Andû arîa mataaûragîrwa werûrî nînameguîrîre ntha. Rîrîa andû a Isiraeli meerirîrie kûvurûka,

Ndari 32:4

nî vûrûri ûrîa Ngai-Mûnene aavootanîre andû a Isiraeli. Vûrûri ûcio nî mwaro wa ndîthia na tue ndungata ciaku tûrî na ndîthia nyîngî mûno.

Ndari 32:6

Musa nîwaûririe andû acio a mûvîrîga wa Reubeni na wa Gadi atîrî, “Mue mûrenda gwîkara gûkû rîrîa andû enyu a Isiraeli marî mbaararî?

Gûco 1:37

Ngai-Mûnene nwa warakarire nînie nîûndû wa mevia menyu na akîmbîra atî, ‘Wa nawe ndûgatonya vûrûri ûcio.

Josh 7:7

Joshua nîwaûririe atîrî, “Ûûi, Mwathani Ngai-Mûnene! Watûringirie rûnjî rwa Jorodani nîkî? Watûretire tuonthe nîguo ûtûnenganîre kûrî Aamori matûthirie? Nî kava tûngîekarire mûringo ûrîa wîngî wa rûnjî rwa Jorodani.

Ruthu 2:10

Ruthu nîwaturumithirie ûthiû wake nthî na akîûria Boazu atîrî, “Nîndûî gîatûma ûrûmbûyanie nanie na wambîka maûndû maro na nîrî mûûrûrîrî?”

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”