Ndari 32:32 - ÎVUKU RÎA ÛVORO MWARO

³² Nîtûkûthiî tûtongoretue nî Ngai-Mûnene tûkinye vûrûri wa Kanaani tûrî na indo cietû cia mbaara na tûrûe. Naguo vûrûri ûyû ûrî mwena wa îrathîro wa Jorodani nîwîthîrwa ûrî wetû.”

Ndari 32:32 ပူးပေါင်းရင်းမြစ်များ

Alawi 14:34

“Rîrîa mûgaakinya vûrûrirî wa Kanaani ûrîa ngaamûva mwîgwatîre, na mûndû one atî nie nîndûmîte nyomba yake înyitwe nî Milideu,

Ndari 32:19

Tûtigooca kûrîa maagaîrwe mwena wa îthûîro wa Jorodani, nîûndû tûrî anyitu îgai rîetû mwena ûyû wa îrathîro wa Jorodani.”

Ndari 32:31

Nao andû a Gadi na a Reubeni nîmaacokirie atîrî, “Mwathi wetû, nîtûgwîka wata ûrîa Ngai-Mûnene atwatha.

Ndari 32:33

Kwoguo Musa nîwavere andû a mûvîrîga wa Gadi na wa Reubeni, na nuthu ya mûvîrîga wa Manase mûvîcî wa Josefu, vûrûri wonthe wa Mûthamaki Sihoni wa Amori na vûrûri wa Ogu, Mûthamaki wa Bashani vamwe na matûûra ma mavûrûri mau, na matûûra marîa mengî maariganîtie namo.

Ndari 34:15

Mîvîrîga îo îîrî na nuthu yagaîrwe vûrûri ûrîa ûrî mwena wa îrathîro wa rûnjî rwa Jorodani ûroretie îtûûra rîa Jeriko.”

Gûco 1:1

Îvukuurî rîîrî nîkuo kûrî na mîario ya Musa îrîa aarîrie andû a Isiraeli vîndî îrîa maarî werûrî mwena wa îrathîro wa rûnjî rwa Jorodani. Maarî Kîamndarî Kîam Jorodani kwerekera Sufi, gatagatî ka îtûûra rîa Parani mwena ûmwe na matûûra ma Tofeli, Labani, Hozerothu na Dizahabu mwena ûcio wîngî.

Gûco 29:8

na tûgîoca vûrûri wao na tûkîûgaîra andû a mîvîrîga ya Reubeni, Gadi na nuthu ya andû a mûvîrîga wa Manase.

Gûco 3:12

“Rîrîa twenyitîre vûrûri ûcio, nînavere andû a mûvîrîga wa Reubeni na wa Gadi vûrûri ûrîa ûrî mwena wa rûgûrû wa Aroeri vakuvî na rûnjî rwa Arinoni, nuthu ya vûrûri ûrîa ûrî irîma wa Gileadi, wa vamwe na matûûra maguo.

Josh 12:1

Andû a Isiraeli nîmaavootire athamaki a vûrûri ûrîa ûrî mwena wa îrathîro wa rûnjî rwa Jorodani na nîmeenyitîre vûrûri ûcio. Vûrûri ûcio waumîte Kîandarî Kîam Arinoni nginya kîrîmarî Kîam Herimoni mwena wa rûgûrû na vûrûri wonthe wa Araba mwena wa îrathîro. Athamaki acio maarî aîrî.

Josh 12:6

Musa ndungata ya Ngai-Mûnene na andû a Isiraeli nîmaavootire athamaki acio aîrî. Nîwacokire akîgaa vûrûri ûcio akîûnengera andû a mûvîrîga wa Reubeni, Gadi na nuthu ya mûvîrîga wa Manase ûtuîke wao.