Ndari 31:8 - ÎVUKU RÎA ÛVORO MWARO

⁸ vamwe na athamaki atano a Midiani: Evi, Rekemu, Zuri, Huri na Reba. Nîmaacokire makîûraga Balaamu mûvîcî wa Beori.

Ndari 31:8 ပူးပေါင်းရင်းမြစ်များ

Thaburi 10:2

Andû arîa aganu metîîaga na makanyarira andû arîa athîni, marogwatwa nî mîvango yao mîcûku îrîa mavangîte.

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Nthi 11:3

Andû arîa athingu matongoragua nî mîthiîre mîkinyanîru, nwatî arîa evia macûkangagua nîûndû wa waganu wao.

Nthi 13:17

Mûnjaama mûcûku atûmaga andû matonye thînarî, nwatî mûnjaama mwîvokeku nîatûmaga kûgîe na thayû.

Habakuku 3:7

Nonire andû a Kushani makîthînîka, na andû a Midiani makinaina.

Ndari 22:10

Balaamu nîwacokerie Ngai atîrî, “Balaki mûthamaki wa Moabu atûmire andû aya mambîre atî,

Ndari 22:4

Kwoguo andû a Moabu nîmeerire atongoria a Midiani atîrî, “Andû aya onthe, kûminjia na kûminjûkia, nîmethîrwa macûkangîtie kîndû kîonthe gatagatîrî getû, wata ûrîa ndegwa îrîcaga nyaki mûgûndarî.”

Ndari 22:5

Kwoguo Balaki mûvîcî wa Zipori, na nîke warî mûthamaki wa Moabu vîndî îo, nîwatûmire anjaama magete Balaamu mûvîcî wa Beori. Balaamu aarî Pethori vakuvî na rûnjî rwa Farati vûrûrirî wa Amawi. Balaki nîwerire Balaamu atîrî, “Kûrî na rûrîrî rumîte Misiri na rûrî kûndû kuonthe gûkû nthî, na nîmarenda gwoca vûrûri wakwa.

Ndari 23:10

Njiarwa cia Isiraeli ciîngîvîte ta rûkûngû, nî eengî mûno ûndû matangîtarîka. Tiga nthirie mîthenya yakwa ta ûmwe wa andû a Ngai. Tiga ngue na thayû ta mûndû mûthingu.”

Ndari 24:14

Balaamu nîwerire Balaki atîrî, “Rîu nie nthiîte kûrî andû etû. Nwatî mbere ya nthiî tiga ngûtaare ûvororî wîgiî ûrîa andû a Isiraeli mageeka andû aku mavinda marîa magaaûka.”

Ndari 24:25

Kwoguo, Balaamu nîwacokire mûciî nake Balaki akîthiîra.

Ndari 25:15

Mûndûmûka Mûmidiani ûcio waûragirwe eetagwa Kozibi mwarî wa Zuri. Zuri aarî mûtongoria wa mbarî îmwe ya mîvîrîga ya andû a Midiani.

Ndari 25:18

nîûndû wa maûndû macûku marîa meekire rîrîa maamûveenirie mûrî Peori, na nîûndû wa Kozibi ûrîa waûragirwe vîndî ya mûthiro ûrîa warî Peori.”

Ndari 31:16

Ririkanani atî aka nîo maathikîrîrie ûtaaro wa Balaamu na magîtûma andû a Isiraeli maregana na Ngai-Mûnene marî Peori. Ûndû ûcio nîguo watûmire andû a Ngai-Mûnene mathirua nî mîrimû mîcûku.

Ndari 31:9

Andû a Isiraeli nîmaatavire aka a Midiani na ciana ciao, ndîthia ciao cia ng'ombe na mbûri, na magîoca ûtonga wao wonthe.

2Pet 2:15

Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.

Kûguû 2:14

Nwatî nîrî na maûndû manini ngûmûcukîra: atî kûrî andû amwe gatagatîrî kenyu marûmagîrîra maûndû marîa Balaamu aathomithanagia. Balaamu ûcio nîke wathomithirie Balaki ûrîa agûtûma andû a Isiraeli mevie na njîra ya kûrîa irio irîa ciarutîrîtwe mîvuanano na mevia na ciîko cia ûmaraa.