Ndari 31:54 - ÎVUKU RÎA ÛVORO MWARO

⁵⁴ Kwoguo Musa na Eliazaru, mûthînjîri-Ngai nîmaamûkîre thaavu îo kuuma kûrî anene a athigari, na makîmîvira îgemarî rîa Ngai-Mûnene, nîguo îtuîke kîririkano Kîam andû a Isiraeli kûrî Ngai-Mûnene.”

Ndari 31:54 ပူးပေါင်းရင်းမြစ်များ

Ezira 7:5

Buki aarî mûvîcî wa Abishua, Abishua aarî mûvîcî wa Finehasi. Finehasi aarî mûvîcî wa Eleazaru, Eleazaru aarî mûvîcî wa Aroni ûrîa warî Mûthînjîri-Ngai mûnene.

Thaburi 115:1

Tî tue, we Ngai-Mûnene, tî tue, we wenga nîwe wagîrîrwe nî gûkumua; nîûndû wa wendo waku ûtathiraga na wîvokeku waku.

Thaburi 145:7

Makaanagîrîra ngumo ya wega waku mwîngî, na mainage maugîrîrîtie ûvoro wîgiî ûthingu waku.

Thaburi 18:49

Kwoguo we Ngai-Mûnene nîngûgoocaga gatagatî ka mavûrûri, na nî minaga nyîmbo ngîgûkumagia.

Ntha 28:12

Ûnyitithanie mathiga mau ma goro na tûmîcivi twa gûcuria ituro twa efodi nîguo methagîrwe marûngamîrîrîte mîvîrîga îrîa îkûmi na îîrî ya Isiraeli. Aroni agaakuuaga marîîtwa mau na ituro ciake arî mbere ya Ngai-Mûnene nîguo Ngai-Mûnene amaririkanage.

Ntha 30:16

Ûkaaûngania mbeca icio kuuma kûrî andû a Isiraeli na ûivûthîre na wîra wa kûmenyerera îgema rîa Ngai-Mûnene. Îrîvi rîu nî rîa kûtheria mîoyo ya andû a Isiraeli nanie nîngaaririkana kûmagitîra.”

Zakaria 6:14

Ngovia îo ya ûthamaki îgekaraga hekarûrî ya Ngai-Mûnene nîûndû wa kûririkanaga Helidai, Tobija, Jedaia, na Josia mûvîcî wa Zefania.

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Luka 22:19

Nîwacokire agîoca mûgate na arîkia gûcokeria Ngai ngatho, akîwenyûranga na akînengera arutwa ake akiugaga atîrî, [“Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîguo mûndirikanage.”

Ciîko 10:4

Nake Korinelio nîwamûroririe amakîte mûno na akîmûria atîrî, “Nîndûî Mwathani?” Nake mûraika ûcio nîwamûcokerie atîrî, “Ngai nîwegua mavoya maku. Ke nîwona atî we nîûvothagîra athîni na nîwakûririkana.

Josh 4:7

Namue nîmûkaamera atî manjî ma rûnjî rwa Jorodani nîmaagaûkanire magîtiga kûvîta rîrîa îthandûkû rîa Kîrîkanîro Kîam Ngai-Mûnene rîaringire rûnjî rwa Jorodani. Mathiga mama makethagîrwa marî kîririkano tene na tene Kîam ûrîa gwekîkire kûrî andû a Isiraeli.”