Ndari 30:13 - ÎVUKU RÎA ÛVORO MWARO

¹³ Mûthuuri ethagîrwa arî na ûvoti wa kûregana kana wa gwîtîkîra ûndû ûrîa mûka eranîrîte kûrî Ngai-Mûnene.

Ndari 30:13 ပူးပေါင်းရင်းမြစ်များ

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Thaburi 35:13

Nwatî rîrîa maarî arwaru, nînekîrire nguo ya macakaya; nînenyerekirie, na naavoyaga nyînamîtie kîongo gîakwa,

Isaia 58:5

Mûthenya ûrîa mûrenyerekia, nîmwîverithagia; mwînamagîrîria ciongo cienyu ta kamûnyaki, na mûkaara nguo cia macakaya mûkaimamîra na mûkamama mûurî. Kûu nîkuo mwîtaga kwînyerekia? Mwîciragia nie Ngai-Mûnene, nwa ngenue nî mûthenya ta ûcio?

Alawi 16:29

“Mawatho mama marûmîrîrîte nîmatûûra marûmagîrîrwa nî mue: Mûthenya wa îkûmi mwerirî wa mûgwanja andû a Isiraeli vamwe na ageni arîa matûûranagia nao nwanginya menyerekagie na matikarutage wîra wanarî ûrîkû.

Alawi 23:27

“Mûthenya wa îkûmi mwerirî wa mûgwanja wa mwaka wa mwaka nîrîo mambura ma kûtheria mevia ma andû a Isiraeli makaarûthagwa. Mûkenyerekagia mûthenya ûcio, na mûkagomana vamwe mûgooce na mûndutîre Nie, Ngai-Mûnene îtega rîa kûvîvua.

Alawi 23:32

Mûkaamenyerera thavatû na mwînyerekagie kuuma kîvwaî Kîam mûthenya wa kenda nginya kîvwaî Kîam mûthenya wa îkûmi wa mweri wa mweri.”

Ndari 29:7

“Mûthenya wa îkûmi wa mweri wa mûgwanja mûgacemanagia nîguo mûgooce Ngai. Mûthenya ûyû nwanginya mwînyerekagie na mûtikarutage wîra.

Ndari 30:12

Nwatî mûthuuriwe angîgua mwîvîtwa na ciîranîro icio mûka eranîrîte akînaregana nacio, mwîvîtwa ûcio nîûthiraga na Ngai-Mûnene nîakaamûrekera nîûndû mûthuuriwe nîareganîte na mwîvîtwa ûcio.

Ndari 30:14

Nwatî mûthuuriwe angîrega kwîra mûka wanarî ûndû mûthenya mûgima kuuma egua mwîvîtwa na kîîranîro Kîam mûka, nwanginya mûka akaavingia maûndû monthe marîa evîtîte kana akeranîra. Gûkira kwa mûthuuriwe kwonanagia atî nî mwîtîkaniu na maûndû marîa mûka eranîrîte.

1Akor 11:3

Nwatî nîrenda mûtaûkîrwe atî Kristû nî kîongo Kîam mûndûmûrûme wa wonthe, na mûndûmûrûme nî kîongo Kîam mûka, nake Ngai nî kîongo gîa Kristû.

1Akor 11:9

Mûndûmûrûme ndaaûmbwa nîûndû wa wagîrîru wa mûndûmûka, nwatî mûndûmûka aaûmbirwe nîûndû wa wagîrîru wa mûndûmûrûme.

1Akor 7:5

Mûtikaaimanage mîîrî yenyu, tiga nwanga mûrîkanîrîte atî nîmûgwîkara mûtakûmenyana kîîmwîrî gwa kavinda kanini nîguo mûgîcage na kavinda ga kûvoya. Nwatî vuva wa kavinda kau cokanagîrani wa rîngî nîguo Caitani ndakamûgerie nîûndû wa gûtura ûvoti wa kwatha merirîria ma mwîrî.