Ndari 3:9 - ÎVUKU RÎA ÛVORO MWARO

⁹ Alawi mathuurîtwe kuuma kûrî andû a Isiraeli nîguo matethagîrîrie Aroni na avîcî ake gûtungataga.

Ndari 3:9 ပူးပေါင်းရင်းမြစ်များ

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

1Maû 6:33

Aya marûmîrîrîte nî andû arîa maatungataga vamwe na njiarwa ciao. Mbarî ya Kohathu kwarî na Herimani na aarî mûtongoria. Herimani aarî mûvîcî wa Joeli, Joeli aarî mûvîcî wa Samueli.

Ezira 2:43

Andû a mîvîrîga ya andû arîa maarutaga wîra hekarûrî maarî: mbarî ya Ziha, Hasufa, Tabaothi, K

Ezira 6:18

Nao athînjîri-Ngai na Alawi nîmaaveerwe wîra wa ûtungata wa hekarû kûu Jerusalemu wata ûrîa wandîkîtwe îvukuurî rîa Musa.

Ezira 8:20

Vamwe na acio, kwarî na ndungata cia hekarû magana maîrî na mîrongo îîrî (220). Methe ma tene ma ndungata icio maathuurirwe nî mûthamaki Daudi na anene ake nîguo matethagie Alawi. Marîîtwa mao onthe maarî mandîke.

Ndari 16:9

Mue nîmwîcî atî Ngai wa Isiraeli aamûthuurire kuuma gatagatîrî ka andû acio engî a Isiraeli na akîmûtua a gûtungata îgemarî rîa Ngai-Mûnene na gûtongoria andû a Isiraeli kûgooca Ngai-Mûnene na njîra îrîa yagîrîrîte. Nî ûndû ûrîkû wîngî mûrenda?

Ndari 18:2

Kwoguo îta andû enyu a mûvîrîga wa Lawi nîguo mamûtethagie rîrîa we na avîcî aku mûratungata îgemarî rîa gûcemanîrua.

Ndari 3:8

Nîo makaamenyagîrîra indo cionthe cia îgema rîa Ngai-Mûnene na marutage mawîra vandûrî va andû a Isiraeli rîrîa magûtungata marî vandû varîa vatheru Mûno.

Ndari 8:14

Amûrania Alawi na andû acio engî a Isiraeli nîguo matuîke akwa.

Ndari 8:16

Nînyamûrîrîtwe o kuuma gatagatîrî ka marikithathi monthe ma andû a Isiraeli nîguo matuîke akwa kîûmbe.

Ndari 8:18

Nwatî rîu nyamûkîrîte Alawi matuîke akwa îthenya rîa marikithathi monthe ma Isiraeli.

Ndari 8:19

Nîmvecanîte Alawi kûrî Aroni na avîcî ake marî kîveo kuuma kûrî Aisiraeli, nîguo matungatagîre Aisiraeli îgemarî rîa Ngai-Mûnene, na mamagitagîre kûrî thîna ûrîa mangîcemania naguo mangîkuvîrîria varîa vatheru Mûno.”

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

Aefeso 4:8

Wa ta ûrîa mandîko matheru maugîte atî: “Vîndî îrîa ke aathiîre îgûrû, nîwatongoririe andû arîa maatavîtwe, na akîvecana iveo kûrî andû.”