Ndari 3:6 - ÎVUKU RÎA ÛVORO MWARO

⁶ “Virani andû a mûvîrîga wa Lawi kûrî mûthînjîri-Ngai Aroni nîguo makamûtethagîrîrie.

Ndari 3:6 ပူးပေါင်းရင်းမြစ်များ

1Maû 15:2

Nake nîwaugire atîrî, “Gûtirî andû engî metîkîrîtue gûkuua îthandûkû rîa kîrîkanîro tiga Alawi onga, nîûndû nîo Ngai-Mûnene aathuurire marîkuage na mamûtungatagîre tene na tene.”

1Maû 23:28

Wîra wao warî wa gûtethereria njiarwa cia Aroni wîrarî wa ûtungata hekarûrî ya Ngai-Mûnene, kûmenyerera kîvaro Kîam hekarû na tûnyomba tûrîa twethagîrwa tûrî hekarûrî na kûmenyerera indo irîa nyamûre cia hekarû ciîkarage irî ntheru wa vamwe na kûruta mawîra mengî ma hekarû.

1Maû 23:32

Nîmaaveetwe wîra wa kûmenyerera îgema rîa Ngai-Mûnene na hekarû, na gûtethia athînjîri-Ngai arîa maarî njiarwa cia Aroni wîrarî wa hekarû.

1Maû 6:33

Aya marûmîrîrîte nî andû arîa maatungataga vamwe na njiarwa ciao. Mbarî ya Kohathu kwarî na Herimani na aarî mûtongoria. Herimani aarî mûvîcî wa Joeli, Joeli aarî mûvîcî wa Samueli.

2Maû 29:11

Anake akwa, mûtigate mavinda. Ngai-Mûnene nîamûthuurîte mûmûtungatage, mûtongoragie andû kûmûgooca na mûmûvîvagîrie ûbani.”

Ezira 6:18

Nao athînjîri-Ngai na Alawi nîmaaveerwe wîra wa ûtungata wa hekarû kûu Jerusalemu wata ûrîa wandîkîtwe îvukuurî rîa Musa.

Malaki 2:4

Kwoguo nîmûkaamenya atî nîmûvete watho ûyû nîguo kîrîkanîro gîakwa na nyomba ya Alawi gîtûûre.

Ndari 18:21

Ngai-Mûnene nîwaugire atîrî, “Nîmvete Alawi icunjî cionthe cia îkûmi irîa andû a Isiraeli mandutagîra irî îgai rîao rîtuîke îrîvi rîao nîûndû wa gûtungata îgemarî rîa Ngai-Mûnene.

Ndari 2:17

“Andû a Lawi nîo makaathiî makuuîte îgema rîa Ngai-Mûnene marî gatagatî ga ikundi cia mbere igîrî na cia mûthiia igîrî. Wa gîkundi gîkaathiî kîrûmîrîrîte vendera yakîo wata ûrîa andû mambîte magema mao.

Ndari 2:33

Nwatî wata ûrîa Ngai-Mûnene aathîte Musa, Alawi matiataranîrua na andû a Isiraeli.

Ndari 3:5

Ngai-Mûnene nîwerire Musa atîrî,

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.