Ndari 28:2 - ÎVUKU RÎA ÛVORO MWARO

² “Atha andû a Isiraeli mandutagîre matega ma kûvîvua marî na mûtararûko mwaro îvinda rîrîa rîagîrîru.

Ndari 28:2 ပူးပေါင်းရင်းမြစ်များ

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

1Maû 23:31

Alawi nîmaarutaga matega ma kûvîvua ma Ngai-Mûnene mîthenya ya thavatû, ciathî cia mweri wacicûka na mîthenya îrîa îngî ya ciathî. Kwarî na mawatho marîa maarûmagîrîrwa ma kwonania Alawi arîa maagîrîrwe nî gûtungata kavinda gwa kavinda marî hekarûrî.

2Maû 23:18

Mûthînjîri-Ngai Jehoiada nîwacokire akîthuura arangîri a hekarû marûngamîrîrîtwe nî athînjîri-Ngai a mbarî ya Lawi na Alawi arîa Daudi aaveete wîra wa gûtungata hekarûrî na kûrutîra Ngai-Mûnene matega ma kûvîvua kûringana na ûrîa kwandîkîtwe wathorî wa Musa. Arangîri acio nwao maatongoragia nyîmbo magîkûngûagîra na gîkeno wata ûrîa Daudi aathanire.

2Maû 31:3

Mûthamaki nîwarutire kuuma ndîthiarî yake nyamû cia magongoona ma kûvîvua ma kîraûko na ma kîvwaî, cia magongoona ma kûvîvua ma mîthenya ya thavatû, cia gûkûngûîra irugorî cia mweri wacicûka na cia irugo irîa mbîtîkîrie wata ûrîa kwandîkîtwe wathorî wa Ngai-Mûnene.

Ezira 3:2

Jeshua mûvîcî wa Jehozadaki, athînjîri-Ngai arîa maatungataga nao, na Zerubabeli mûvîcî wa Shealitieli marî na andû a nyomba yao nîmaatumire metha ya kîgongoona ya Ngai wa andû a Isiraeli. Maamîtumire nîguo marutîre Ngai magongoona ma kûvîvua wata ûrîa kwandîkîtwe wathorî wa Musa ûrîa warî mûndû wa Ngai.

Ezira 3:3

Wana ethîrwa nîmeetigagîra andû arîa maatûûraga vûrûri ûcio, nîmaatumire metha ya kîgongoona wa varîa yarî mbere. Nao nîmaacokire makîambîrîria rîngî kûrutîra Ngai-Mûnene matega ma kûvîvua vo kîraûko na kîvwaî.

Nehemia 10:34

Tue, athînjîri-Ngai, Alawi, na andû acio engî, tûgaikagia mîtî wa mwaka nîguo tûmenye mavinda marîa wa mbarî îkaaretaga ngû na matega ma kûvîvua metharî ya kîgongoona ya Ngai-Mûnene, Ngai wetû, wata ûrîa kwandîkîtwe Wathorî.

Thaburi 81:3

Vuvani karumbeta mwanîrîre kîrugo Kîam mweri wacicûka, na kîrugo gîetû vîndî îrîa mweri ûramakia nthinwa.

Ntha 23:15

Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Ntha 29:18

Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

Ezek 16:19

Irio ciakwa irîa Nie nakûveere, cia mûtu ûrîa mûvinyu, maguta ma ndamaiyû na ûûkî, warutire mîvuanano îo irî îgongoona rîa mûtararûko ûrîa ûnungaga waro nîguo ûmîkenie.” Ûguo nîguo Ngai-Mûnene arauga.

Ezek 20:41

“Naamûruta kûrî ndûrîrî na mavûrûri marîa mûnyaganîrîtie na nîmûrete vamwe, nîngaamwamûkîra mûrî ta îgongoona rîrî na mûnungo mwaro wa kûngenia, nacio ndûrîrî nîikoona ûthingu wakwa.

Ezek 45:17

Nake mûnene ûrîa ûrathana nîke wagîrîrwe nî kûvecana nyamû cia îgongoona irîa ikaavîvua itarî nthînje, matega ma irio cia mûgûnda na matega ma indo cia kûnyua vîndî ya irugo cia karûngamo ka mweri, thavatû na irugo cionthe irîa nyamûre cia andû a Isiraeli. Vamwe na ûguo nîakaaruta matega ma kûthiria mevia, matega ma irio cia mûgûnda, matega ma kûvîvua na matega ma thayû nîguo agwatanie andû onthe a Isiraeli.

Alawi 1:13

Mûndû ûcio nîakaathambia mara vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 1:17

Nîagaacoka amînyite mathagu na amîtarûranie, nwatî ndakaamîtucanie, na amîvîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.”

Alawi 1:9

Nwatî nîakaathambia mara ma ndegwa îo vamwe na mathagiro, nake mûthînjîri-Ngai aivîvîrie îgûrû rîa metha ya kîgongoona rîrî îtega rîa kûvîvua. Mûtararûko wa îtega rîu nîûkenagia Ngai-Mûnene.

Alawi 21:6

Nwanginya methagîrwe marî atheru na nwanginya matîîage rîîtwa rîakwa, nîûndû nîo mandutagîra matega ma kûvîvua, kwoguo na nwanginya methagîrwe marî atheru.

Alawi 21:8

Tucagani mûthînjîri-Ngai mûndû mwamûre nîûndû nîarutagîra Ngai matega ma irio. Nie Ngai-Mûnene nîrî mûtheru na nînie nîmûtheragia.

Alawi 3:11

Ûmwe wa athînjîri-Ngai nî akaavîvîria indo icio cionthe îgûrû rîa metha ya kîgongoona irî îtega rîa kûvîvua kûrî Ngai-Mûnene.

Malaki 1:12

Nwatî mue nîmûtûmaga rîîtwa rîa Ngai-Mûnene rîgîa na mûgiro rîrîa mwagwatia metha yakwa ya kîgongoona gîko, na matega marîa mûndutagîra nîmarînyararithagia.

Malaki 1:7

Mûnyararîte na njîra ya kûrutîra metharî yakwa ya kîgongoona matega ma irio irî na gîko. Nwatî mûragia atîrî, ‘Tûkîvakîte gîko atîa?’ Na njîra ya kûnyarara metha yakwa ya kîgongoona.

Ndari 15:24

Ethîrwa andû onthe maaregire kûvingia mawatho mau matakûmenya, makaarutaga ndegwa îmwe îrî îtega rîa kûvîvua nîguo mûtararûko warîo ûkenie Ngai-Mûnene. Makaarutanagîria na îtega rîa irio cia mûgûnda, na îtega rîa indo cia kûnyuwa, na marute nthenge îmwe rîrî îtega rîa kûtheria mevia.

Ndari 15:3

nî mûkaandutîra matega ma kûvîvua ma ndegwa, ndûrûme, ng'ondu kana mbûri, marî matega ma kûngenia. Nwa mûrute matega na njîra ya kwîyendera kana nîûndû wa kûvingia mwîvîtwa kana nîûndû wa mambura marîa mûrutaga ma kîndini. Mûtararûko wa îgongoona rîîrî nî ûngenagia.

Ndari 15:7

na lita îmwe na nuthu ya ndivei îrî îtega rîa indo cia kûnyuwa. Mûtararûko wa matega mau nî ûngenagia.

Ndari 28:1

Ngai-Mûnene nîwerire Musa atîrî,

Ndari 29:39

“Mama nîmo mawatho marîa megiî matega ma kûvîvua, matega ma irio cia mûgûnda, matega ma thayû, matega ma indo cia kûnyuwa, marîa mûkaarutagîra Ngai-Mûnene vîndî ya irugo cienyu wata ûrîa ivangîtwe. Mûkaarutaga matega mau vamwe na matega marîa mûrutagîra Ngai-Mûnene nîûndû wa kûvingia mwîvîtwa na matega ma kwîyendera.

Ndari 9:13

Nwatî mûndû wa wonthe mûtheru, na ethîrwe ndarî rûgendorî na ndakûngûagîra Pasaka ndakethagîrwa arî ûmwe wa andû akwa, nîûndû ndandutagîra matega vîndî îrîa îtuîtwe. Mûndû ûcio akaaverithua nîûndû wa mevia make.

Ndari 9:7

na makîra Musa atîrî, “Tue tûrî na gîko nîûndû nîtûvutîtie kimba Kîam mûndû, nwatî tûragirua tûrutîre Ngai-Mûnene matega îvinda rîrîa rîtuîtwe tûrî vamwe na Aisiraeli acio engî nîkî?”

2Akor 2:15

Nîûndû tue twîkariî ta ûbani ûrîa ûnungaga waro ûtegeretwe Ngai nî Kristû. Naguo nîûtambaga gatagatîrî ka arîa maravonokua na arîa maraûra.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.