Ndari 28:14 - ÎVUKU RÎA ÛVORO MWARO

¹⁴ Mwîgana wa ndivei îrîa yendekanaga nîûndû wa îtega nî lita igîrî kûrî wa ndegwa îmwe, lita îmwe na nuthu kûrî wa gatûrûme, na lita îmwe kûrî wa ndûrûme. Ûyû nîguo watho wa kûrûmagîrîrwa wa mûthenya wa mbere wa kwambîrîria mweri, mwaka mûgima.

Ndari 28:14 ပူးပေါင်းရင်းမြစ်များ

Ezira 3:5

Na vuva wa gûkûngûîra kîrugo gîa tûnyomba twa magema, nîmeethagîrwa marî na matega mengî ma kûvîvua. Matega mau maarî ma vîndî ya karûngamo ka mweri na irugo cionthe irîa ciagoocagwa Ngai-Mûnene. Na nîkwethagîrwa kûrî na matega mengî marîa andû maategagîra Ngai-Mûnene na njîra ya kwîyendera.

Isaia 1:13

Mûtikarete matega matarî na vata kûrî nie. Ûbani ûrîa mûvîvagia nî mûgiro kûrî nie. Ndikwenda mûkûngûagîre Kîamthî Kîam mweri ûgîcicûka, thavatû na igomano cia mavoya; nîûndû cionthe ciîcûrîtwe nî mevia.

Jeremia 48:35

Nîngaatûma andû a Moabu matige kûgooca na kûruta magongoona marî kûndû kûrîa gûtûgîru, na matige kûvîvîria ngai yao ûbani. Ûguo nîguo nie Ngai-Mûnene nauga.

Ezek 46:4

“Mûthenya wa thavatû, mûnene akaretaga kûrî Ngai-Mûnene îtega rîa kûvîvua rîa tûtûrûme tûtandatû tûtarî na wonje na ndûrûme îmwe, cionthe itarî na wonje.

Joeli 1:13

Mue athînjîri-Ngai, îkîrani nguo cia macakaya mûrîre, mue mûtungataga metharî ya kîgongoona rîrani. Thiîni hekarûrî na mûcakae ûtukû mûgima! Matega ma irio na ma ndivei matirî kuo nyombarî ya Ngai.

Ndari 15:5

Rîrîa akûruta ndûrûme kana mbûri îrî îtega rîa kûvîvua kana rîrî îgongoona, akaarutanagîria na lita îmwe ya ndivei îrî îtega rîa indo cia kûnyuwa.

Ndari 15:9

îkaarutanagîrua na kilo îthatû cia mûtu mûvinyu ûtukanîtue na lita igîrî cia maguta ma ndamaiyû,

Ndari 28:13

na wa gatûrûme gakaarutanagîrua na kilo îmwe ya mûtu îtukanîtue na maguta, rîrî îtega rîa irio cia mûgûnda. Mûtararûko wa îtega rîîrî nîûkenagia Ngai-Mûnene.

Ndari 28:15

Vamwe na matega ma kûvîvua ma wa mûthenya na matega ma ndivei, mûkaarutaga nthenge îmwe rîrî îtega rîa kûtheria mevia.

Ndari 28:7

Wa gatûrûme ga îtega rîa kûvîvua rîkaarutanagîrua na lita îmwe ya îtega rîarîo rîa indo cia kûnyuwa. Îtega rîu rîa ndivei rîgetûrûragwa metharî ya kîgongoona ya Ngai-Mûnene.

Ndari 29:18

Mûkaarutaga îtega rîa irio cia mûgûnda na îtega rîa indo cia kûnyuwa kûrî ndegwa, ndûrûme, na tûtûrûme wata ûrîa watho ugîte.