Ndari 27:3 - ÎVUKU RÎA ÛVORO MWARO

³ “Vava aakuîrîre werûrî na ndaarî na mwana wa kavîcî. Ke ndaarî ûmwe wa arûmîrîri a Kora, arîa maagomanire na makîregana na Ngai-Mûnene. Ke aakwire nîûndû wa mevia make.

Ndari 27:3 ပူးပေါင်းရင်းမြစ်များ

Ezek 18:4

Atîrî, mîoyo yonthe nî yakwa. Mwoyo wa îthe na wa mwana yoîrî nî yakwa. Mwoyo ûrîa ûvîtagia nîguo ûgaakua.’

Ndari 14:35

Nie, Ngai-Mûnene nauga nama, atî ûguo nîguo ngaamwîka mue andû aya aganu mûnganîte vamwe nîguo mûregane nanie. Mue muonthe mûgaakuîra gûkû werûrî.”

Ndari 16:19

Kora nîwetire arûmîrîri ake onthe arîa maareganîte na Musa na Aroni na makîrûngama mûromorî wa îgema rîa Ngai-Mûnene. Naguo riiri wa Ngai-Mûnene nîwaumîrîre andû acio onthe.

Ndari 16:49

Andû onthe arîa maakwire vîndî ya mûthiro ûcio maarî ngiri îkûmi na inya na magana mûgwanja (14,700) gûtatarîtwe arîa maakuire vîndî ya Kora.

Ndari 26:33

Zelofehadi, mûvîcî wa Heferi ndaagîa na ciana cia anake. Agîîre na erîtu atheri. Nao nî Mahila, Noa, Hogila, Milika na Tiriza.

Ndari 27:2

Aarî acio nîmaathiîre makîrûngama mbere ya Musa na Eliazaru mûthînjîri-Ngai, na mbere ya atongoria onthe a Isiraeli vau mûromorî wa îgema rîa Ngai-Mûnene na makiuga atîrî,

Ndari 27:4

Rîîtwa rîa vava nîrîriganîra Isiraeli nîûndû atî ndaarî na kavîcî? Tûgaîre mîgûnda gatagatîrî ka andû ao.”

Johana 8:21

Wana rîngî Jesû nîwamerire atîrî, “Nie nîngûthiî namue mûkaanjaria, nwatî nîmûgaakua nî mevia menyu. Mue mûtingîvota kûthiî kûrîa ngûthiî.”

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

Aroma 5:12

Mevia maatonyire nthî na njîra ya mûndû ûmwe na makîrete gîkuû. Kwoguo gîkuû nîgîecûrire kûrî andû onthe a nthî nîûndû andû onthe nîmeevirie.

Aroma 5:21

Kwoguo wata ûrîa mevia maathamakire na njîra ya gîkuû, nwaguo wega wa Ngai ûthamakaga na njîra ya ûthingu na ûgatûma tûgîe na mwoyo wa tene na tene na njîra ya Jesû Kristû Mwathani wetû.

Aroma 6:23

Nîûndû mûcara wa mevia nî gîkuû, nwatî kîveo kîrîa Ngai avecanaga nî mwoyo wa tene na tene mûrî rûmwe na Jesû Kristû Mwathani wetû.