Ndari 27:18 - ÎVUKU RÎA ÛVORO MWARO

¹⁸ Ngai-Mûnene nîwerire Musa atîrî, “Oca Joshua mûvîcî wa Nuni mûndû ûrî na ûvoti, na ûmwigîrîre njara ûmûthuure.

Ndari 27:18 ပူးပေါင်းရင်းမြစ်များ

Kîam 41:38

na akîra ndungata icio atîrî, “Nwatwone mûndû wîngî mwaro ta ûyû ûrî na Roho wa Ngai ndaarî yake?”

1Maû 7:27

Elishama aarî îthe wa Nuni, nake Nuni aarî îthe wa Joshua.

Ntha 17:9

Nake Musa nîwerire Joshua atîrî, “Tûthuurîre arûme a gûkaathiî kûrûa na Amaleki rûyû. Nanie nîngaarûngama kîrîmarî îgûrû nyitîte mûragi ûrîa Ngai aambîrire nguue.”

Danieli 5:14

Nîmbîguîte atî roho wa ngai irîa ntheru arî ndaarî yaku, na atî ûrî na wara, ûmenyo na ûûgî.

Ndari 11:17

Nîngûnyûrûrûka vo twarie nawe na mboce gîcunjî Kîam roho ûrîa nakûveere nîmave nîguo magûtethagîrîrie gûtongoria andû aya ndûkamatongorie ûrî wenga.

Ndari 13:16

Acio nîo athigani arîa Musa aatûmire makathigane vûrûri wa Kanaani. Musa nîwagarûrire rîîtwa rîa Hoshea mûvîcî wa Nuni akîmwîta Joshua.

Ndari 13:8

Hoshea mûvîcî wa Nuni kuuma mûvîrîga wa Efiraimu,

Ndari 27:23

Musa nîwacokire akîmwigîrîra njara kîongorî akîmûthuura na akîmûva wathani wata ûrîa aathirwe nî Ngai-Mûnene.

Johana 3:34

Ûrîa ûtûmîtwe nî Ngai aragia ciugo cia Ngai nîûndû Ngai nîavecaga mûndû Roho atakûthimîrîra.

Ciîko 13:3

Kwoguo rîrîa maarîkirie kwînyerekia na makûvoya, nîmaaigîrîre Baranaba na Saûlo njara, na makîmatûma.

Ciîko 19:6

Nake Paûlo nîwamaigîrîre njara na Roho Mûtheru akîmanyûrûrûkîra. Nao nîmaambîrîrie kwaria na nthiomi ng'eni na kûva andû ndûmîrîri îrîa yumîte kûrî Ngai.

Ciîko 6:3

Kwoguo, ariû na aarî a Îthe wetû gatagatîrî kenyu thuurani arûme mûgwanja marî na ngumo mbaro, mecûrîtwe nî Roho Mûtheru na marî na ûûgî mwîngî. Tue nîtûkûmava wîra ûcio marute.

Ciîko 6:6

Nao etîkia nîmaanenganîre andû aya kûrî atûmwa, nao atûmwa makîmavoera na makîmaigîrîra njara.

Gûco 1:37

Ngai-Mûnene nwa warakarire nînie nîûndû wa mevia menyu na akîmbîra atî, ‘Wa nawe ndûgatonya vûrûri ûcio.

Gûco 3:21

“Nînaacokire ngîatha Joshua ngîmwîra atîrî, ‘We nîwona maûndû monthe marîa Ngai-Mûnene, Ngai waku eka kûrî athamaki acio aîrî: Sihoni na Ogu, na ûguo nîguo ageeka athamaki acio engî onthe a mavûrûri monthe marîa mûkaavîtûkîrîra.

Gûco 3:28

Atha Joshua na ûmûmîrîrie na ûmwîkîre vinya; nîûndû nîke ûgûtongoria andû aya nginya maringe na megwatîre vûrûri ûcio ûkwona.’

Gûco 31:14

Ngai-Mûnene nîwacokire akîra Musa atîrî, “Îvinda rîaku rîa gûkua rîrî vakuvî. Îta Joshua na mûke nake îgemarî rîa Ngai-Mûnene, nîguo nîmwîre ûrîa agwîka.” Kwoguo Musa na Joshua nîmaathiîre na magîtonya îgemarî rîa gûcemanîrua.

Gûco 31:23

Nake Ngai-Mûnene nîwacokire akîatha Joshua mûvîcî wa Nuni akîmwîra atîrî, “Gîa na vinya na ûmîrîrie, nîûndû nîwe ûgûtongoria andû a Isiraeli mathiî vûrûrirî ûrîa namerîre na mwîvîtwa atî nîngaamava, na ngethagîrwa nîrî vamwe nawe.”

Gûco 31:3

Ngai-Mûnene Ngai wenyu ke mwene nîakaaringa athiî mbere yenyu. Nîagaacûkangia andû arîa matûûraga mavûrûri mau monthe, na mwîgwatîre vûrûri wao. Joshua nîke ûkaamûtongoria mûringe rûnjî rwa Jorodani wata ûrîa Ngai-Mûnene aaugire.

Gûco 34:9

Nake Joshua mûvîcî wa Nuni nîwecûrirwe nî ûûgî nîûndû Musa nîwamûthuurîte atuîke mûtongoria vuva wake. Andû a Isiraeli nîmaathîkîre Joshua na nîmaarûmagîrîra maûndû monthe marîa Ngai-Mûnene aathîte Musa.

1Tim 4:14

Tûmîra kîveo Kîam roho kîrîa ûrî nakîo na waveerwe rîrîa arathi maaririe nao athuuri magîkwigîrîra njara.

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.

Ahib 6:2

Tûtiagîrîrwe nî gûcokera ûvoro wîgiî magongoona ma ûvatithio na kwiganîrîra njara, kûriûka na îtuîro rîa tene na tene.

Josh 1:17

Tue tûgaakwathîkagîra wata ûrîa twathîkagîra Musa. Ngai-Mûnene, Ngai waku nîethagîrwe nawe wata ûrîa eethagîrwa na Musa.

Atir 11:29

Roho wa Ngai-Mûnene nîwacokire ûgîtonya kûrî Jefitha, nake nîwaumire kûu akîvîtûkîra Gileadi na Manase na agîcoka Mizipa kûu Gileadi na akîthiî nginya agîkinya Amoni.

Atir 3:10

Othinieli nîwecûrirwe nî Roho wa Ngai-Mûnene na agîtuîka mûtongoria wa andû a Isiraeli. Nîwathiîre mbaararî na Ngai-Mûnene akîmûvotithia kûvoota mûthamaki Kushani Rishathaimu wa Mesopotamia.

1Sam 16:18

Ûmwe wa ndungata ciake nîwaugire atîrî, “Jesii ûrîa wa îtûûra rîa Bethilehemu arî na mûvîcî wicî kûthaka waro. Ke nî mûndû mûmîrîru na mûthaka, na nî mûthigari mwaro na nî mwaria waro, na Ngai-Mûnene arî vamwe nake.”