Ndari 25:6 - ÎVUKU RÎA ÛVORO MWARO

⁶ Mûisiraeli ûmwe nîwocire mûndûmûka ûmwe Mûmidiani na akîmûvira îgemarî rîake. Mûndû ûcio eekire ûguo Musa na andû onthe a Isiraeli makîonaga marî vau mûromorî wa îgema rîa Ngai-Mûnene magîcakaya.

Ndari 25:6 ပူးပေါင်းရင်းမြစ်များ

Kîam 37:28

Rîrîa andû arîa marutaga wîra wa kûgûra na kwendia indo kuuma Midiani maavîtûkîrîre vau, nîmaagucirie Josefu kuuma îrimarî na makîmwendia kûrî Aishumaeli acio sîlûva mîrongo îîrî. Aishumaeli acio nîmaakuuire Josefu makîmûvira Misiri.

1Atha 11:18

Nîmaaumire Midiani, na makîthiî Parani, kûrîa maaûnganire na andû engî na makîthiî nao kûrî mûthamaki wa Misiri. Mûthamaki wa Misiri nîwavere Hadadi mûgûnda, nyomba, na irio.

Thaburi 94:16

Nîûrîkû wandethirie kûrûa na andû arîa aganu? Nîûrîkû warî mwenarî wakwa ngîrûa na eki naaî?

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 36:23

Jehudi athoma icunjî ithatû kana inya, mûthamaki nîwatembûrangaga icunjî icio na kaviû, na agîcikia mwakirî. Nîwatembûrangire îvuku rîonthe rîa gîkûnjo na akîrîvîvia rîkîthira.

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Joeli 2:17

Gatagatî ka metha ya kîgongoona athînjîri-Ngai arîa matungataga Ngai-Mûnene nî marîre makiugaga atîrî: “Îguîra andû aku ntha we Ngai-Mûnene. Ndûkareke andû arîa engî matûmena, matûmena makîûragia atîrî, ‘Ngai wao arî kû?’ ”

Ndari 16:47

Kwoguo Aroni nîwekire wata ûrîa Musa athanîte. Nîwavinyûrire na akîthiî gatagatî ka andû arîa maagomanîte. Rîrîa oonire atî mûthiro warî mwambîrîriu nîwekîrire ûbani karaîrî karî na makara ma mwaki, na akîruta îgongoona rîa kûtheria mevia ma andû.

Ndari 22:4

Kwoguo andû a Moabu nîmeerire atongoria a Midiani atîrî, “Andû aya onthe, kûminjia na kûminjûkia, nîmethîrwa macûkangîtie kîndû kîonthe gatagatîrî getû, wata ûrîa ndegwa îrîcaga nyaki mûgûndarî.”

Ndari 31:2

“Rîvîrîria andû a Isiraeli kûrî andû a Midiani nîûndû wa maûndû macûku marîa maamekire. Vuva wa ûguo nî ûgaacoka ûkue.”

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Atir 2:4

Rîrîa mûraika wa Ngai-Mûnene aarîkirie kûvecana ûvoro ûcio, andû onthe a Isiraeli nîmaambîrîrie kûrîra maugîrîrîtie.