Ndari 25:5 - ÎVUKU RÎA ÛVORO MWARO

⁵ Musa nîwerire atirîrîri vûrûri a Isiraeli atîrî, “Wa mûndû gatagatîrî kenyu nîaûrage mûndûmûrûme wa wonthe ûgoocaga Baali ngai ya Peori.”

Ndari 25:5 ပူးပေါင်းရင်းမြစ်များ

1Atha 18:40

Elija nîwathire andû acio atîrî, “Nyitani arathi a Baali; na mûtikareke wanarî ûmwe wao aûra!” Nao andû nîmaanyitire arathi onthe a Baali, na Elija nîwaugire manyûrûrûkue karûnjîrî ga Kishoni na akîmaûragîra vo.

Ntha 18:21

Nwatî îgûrû rîa maûndû mau monthe thuura andû gatagatî ka andû aya onthe. Ûthuure arûme arîa marî na ûvoti, na metigîrîte Ngai, evokeku na andû mathûrîte mavaki. Andû acio matue atongoria a andû. Amwe matongoragie ikundi cia andû ngiri, engî magana, na engî ikundi cia andû mîrongo îtano na engî makûmi.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Ndari 25:3

Kwoguo Aisiraeli nîmaambîrîrie kûgooca Baali ngai ya Peori. Nake Ngai-Mûnene nîwarakarirue nî andû acio a Isiraeli.

Gûco 13:13

atî îtûûrarî rîmwe nî kuumîrîte andû matarî kîene na nî maveenereretie andû magooce ngai ciîngî irîa mûtaicî.

Gûco 13:15

mûkaaûraga andû onthe a îtûûra rîu wa vamwe na ng'ombe ciao. Mûgaacûkangia îtûûra rîu viû.

Gûco 13:6

“Ethîrwa mûrwanyûkwe, kana mûvîcîguo, kana mwarîguo, kana mûkaguo ûrîa wendete mûno, kana mûrata waku wa vakuvî nwa akûveenererie na nthitho akwîre mûthiî mûkagooce ngai ciîngî irîa we wana methe menyu mûtaicî,

Gûco 13:9

Mûkaamûraga! Mûkeethîrwa mûrî a mbere kûmûringa na mathiga, nao andû acio engî onthe marûmîrîre.

Josh 22:17

Taririkanani mevia marîa twekire Peori. Ngai-Mûnene nîwaverithirie andû ake na njîra ya gûtûma kûgîe mûrimû ûrîa waûragire andû eengî. Wana rîu nwa tûrathînîka nîûndû wa mevia mau. Wîvia ûcio anga warî mûnini?