Ndari 24:7 - ÎVUKU RÎA ÛVORO MWARO

⁷ Ndoo ciao ikethagîrwa irî na manjî ma kwîgana, mîgûnda yao îkethagîrwa îrî na mbura ya kwîgana. Mûthamaki wao akethîrwa arî mûnene gûkîra Agagi, ûthamaki wake ûkethagîrwa ûrî mûnene na mwariî.

Ndari 24:7 ပူးပေါင်းရင်းမြစ်များ

2Sam 5:12

Kwoguo Daudi nîwamenyire atî Ngai-Mûnene nîamûthuurîte na akamûtua mûthamaki wa Isiraeli na nîwatûmaga ûthamaki wake ûthiî na mbere nîûndû wa andû ake a Isiraeli.

1Atha 4:21

Solomoni aarî mûnene wa mavûrûri monthe kuuma rûnjîrî rwa Farati nginya vûrûri wa Afilisiti gûcoka kûthiî mûvakarî wa Misiri. Andû a kuo nîmaarîvaga gooti kûrî Solomoni na nîmaamûtungatîre ûtûûrorî wake wonthe.

1Atha 5:1

Hiramu mûthamaki wa Turo nîwatûmire ndungata ciake kûrî Solomoni rîrîa eegwire atî andû nîmaathuurîte Solomoni atuîke mûthamaki vuva wa îthe Daudi. Ekire ûguo nîûndû aatûûrîte endete Solomoni.

1Maû 14:2

Nake Daudi nîwamenyire atî Ngai-Mûnene nîwamûtuîte mûthamaki wa Isiraeli na ûthamaki wake nîwathiîcaga ûkînenevaga nîûndû Ngai-Mûnene nîwendete andû ake.

Ezira 4:20

Jerusalemu kwîthîrîtwe kûrî na athamaki marî vinya na makîatha vûrûri wonthe ûrîa ûrî mûringo wa Rûnjî rwa Farati na mwena wa îthûîro. Nî maaûnganagia gooti cia mîthemba yonthe.

Esita 3:1

Vuva wa maûndû mau, mûthamaki Ahasuerusi nîwanenevirie Hamani mûvîcî wa Hamedatha, wa rûciaro rwa Agagi akîmûtua mûnene wa atongoria onthe a thirikari.

Thaburi 18:43

Nîwamvonokirie kuuma kûrî andû arîa maareganaga nanie, na ûkîndua mûtongoria wa mavûrûri, andû ndaaicî nîmaatuîkire ndungata ciakwa.

Thaburi 68:26

“Kumiani Ngai mûrî kîûnganorî Kîam andû eengî, kumiani Ngai-Mûnene, mue njiarwa cia Isiraeli!”

Thaburi 72:11

Athamaki onthe nî makenamîrîria mothiû mbere yake; mavûrûri monthe nî makaamûtungatîra.

Thaburi 89:27

Nîngaatûma atuîke mwana wakwa wa îrikithathi, mûthamaki mûnene gûkîra athamaki onthe a nthî.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 30:25

Mûthenya ûcio wakinya, rîrîa nthû cienyu ikaaûragwa na nthingo ciao ndaca ciomomorwe, tûrûnjî nîtûkaanyûrûrûka kuuma irîmarî cionthe na tûrîmarî tuonthe.

Isaia 48:1

Tathikîrîriani ûndû ûyû, mue nyomba ya Jakovu, mue mwîtanîtue na rîîtwa rîa Isiraeli, mue mûrî a mûvîrîga wa Juda, arîa mwîvîtaga mûkîgwetaga rîîtwa rîa Ngai-Mûnene, na mugaga atî mûgoocaga Ngai wa Isiraeli, nwatî tîna njîra ya ma kana wagîrîru.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Jeremia 51:13

Mue arîa mûtûûraga vûrûri ûrî nyûnjî nyîngî, vûrûri ûrî ûtonga mwîngî, îvinda rîenyu nîrîkinyu, ûtûûro wenyu nîmûkinyu mûthiia.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Ndari 24:20

Balaamu nîwacokire akîona Amaleki kîonekirî gîake na akîratha atîrî, “Vûrûri wa Amaleki nîguo warî vinya mûno gûkîra mavûrûri marîa mengî, nwatî mûthiiarî nî ûkaathira viû.”

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 17:1

Ûmwe wa araika arîa mûgwanja maarî na mbakûri mûgwanja nîwaûkire kûrî nie na akîmbîra atîrî, “Ûka, nanie nîngaakwonia ûrîa Ngai akaaverithia mûmaraa ûcio ûrî ngumo. Mûmaraa ûcio nî îtûûra rîrîa rîtumîtwe vakuvî na nyûnjî nyîngî.

Kûguû 17:15

Nake mûraika nîwambîrire rîngî atîrî, “Nyûnjî irîa wonire mûmaraa ekarîrîte, nî mavûrûri, andû, iruka, na nthiomi.

Kûguû 19:16

Nguorî yake, Kîamûrî gîake nîvaandîkîtwe rîîtwa atîrî: “Mûthamaki wa athamaki, Mwathani wa aathani.”