Ndari 24:20 - ÎVUKU RÎA ÛVORO MWARO

²⁰ Balaamu nîwacokire akîona Amaleki kîonekirî gîake na akîratha atîrî, “Vûrûri wa Amaleki nîguo warî vinya mûno gûkîra mavûrûri marîa mengî, nwatî mûthiiarî nî ûkaathira viû.”

Ndari 24:20 ပူးပေါင်းရင်းမြစ်များ

Kîam 36:12

Timuna ûrîa warî mûka wa kwigwa wa Elifazi nîwaciarire Amaleki. Icio nîcio ciarî njiarwa cia Ada mûka wa Esaû.

1Maû 4:43

Nao nîmaaûragire Amaleki arîa maatigarîte na maaûrîte na nîkuo matûûraga nginya ûmûnthî.

Esita 3:1

Vuva wa maûndû mau, mûthamaki Ahasuerusi nîwanenevirie Hamani mûvîcî wa Hamedatha, wa rûciaro rwa Agagi akîmûtua mûnene wa atongoria onthe a thirikari.

Esita 9:14

Kwoguo mûthamaki nîwathanire maûndû mau mekwe. Watho nîwavecanirwe Susa, na avîcî îkûmi a Hamani maûragwe.

Ntha 17:14

Nake Ngai-Mûnene nîwacokire akîra Musa atîrî, “Andîka ûvoro wîgiî ûvootani ûyû nîguo ûtuîke wa kûririkanagwa. Na wîre Joshua atî nîngûthiria Amaleki viû na ndûme mariganîre gûkû nthî.”

Ntha 17:16

Na nîwaugire atîrî, “Ûkîrîria na îgûrû vendera ya Ngai-Mûnene! Ke nîatûûra arûaga na Amaleki tene na tene!”

Ntha 17:8

Nao Amaleki nîmaaûkire na makîambîrîria kûrûa na andû a Isiraeli marî Refidimu.

Ndari 24:19

Isiraeli nîakaavootana, na athirie andû arîa makethîrwa matigarîte.”

Ndari 24:24

Meri nîigaakinya ciumîte Kitimu, nîikaatharîkîra Ashuri na Eberi, nwatî wanao nîmakaathira viû.”

Ndari 24:7

Ndoo ciao ikethagîrwa irî na manjî ma kwîgana, mîgûnda yao îkethagîrwa îrî na mbura ya kwîgana. Mûthamaki wao akethîrwa arî mûnene gûkîra Agagi, ûthamaki wake ûkethagîrwa ûrî mûnene na mwariî.

Atir 6:3

Vîndî cionthe Aisiraeli mangîavandire mbeû, andû a Midiani na Amaleki vamwe na andû arîa maatûûraga werûrî mwena wa îrathîro nîmaathiîcaga na makamatharîkîra.

1Sam 14:48

Nake nîwarûire na ûcamba na akîvoota andû a Amaleki, na akîvonokia andû a Isiraeli kuuma kûrî nthû ciake irîa ciatavîte indo ciao.

1Sam 15:2

Ke arauga atî, nîakûveritha andû Amaleki, nîûndû wa ûrîa methe mao ma tene maareganire andû a Isiraeli rîrîa maaumaga Misiri.

1Sam 30:1

Vuva wa mîthenya îthatû, Daudi marî na andû ake nîmaacokire Zikilagi. Nao Amaleki nîmaatharîkîrîte mwena wa îveti wa Juda na makavoota îtûûra rîa Zikilagi na nîmaarîvîvîtie

1Sam 30:17

Nake Daudi nîwamatharîkîre kîraûko tene mûthenya ûcio wîngî na nîwarûire nao nginya kîvwaî. Gûtirî mûndû wanarî ûmwe wao wavonokirie, tiga anake magana mana arîa maatwîre ngamîîra na makîûra.