Ndari 24:17 - ÎVUKU RÎA ÛVORO MWARO

¹⁷ Nînîrona ûrîa ûgaaûka vuvarî, nînîramwona nwatî ndarî vakuvî. Nîakaaumîra ta njata kûrî njiarwa cia Jakovu, gatagatîrî ka andû a Isiraeli nîgûkaauma Mûthamaki. Nîakaathiria atongoria a Moabu, na acûkangie njiarwa cionthe cia Sethi.

Ndari 24:17 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

2Sam 8:14

Ke nîwatumire ciîkaro cia athigari ake a mbaara vûrûrirî wonthe wa Edomu, nao andû a kuo magîtuîka ndungata cia Daudi. Nake Ngai-Mûnene nîwatûmire Daudi avootane kûrîa kuonthe aathiîcaga.

2Sam 8:2

Nîwacokire akîvoota Amoabu na akîmeera mamame nthî marîte mîvari. Na wa varî andû athatû acio moovetwe nîwaûragire andû aîrî ao kana andû athatû ao. Kwoguo Amoabu nîmaatuîkire ndungata cia Daudi na makîambîrîria kûmûrutîra gooti.

2Atha 3:5

Nwatî rîrîa Ahabu aakwire, mûthamaki wa Moabu nîwareganire na mûthamaki wa Isiraeli.

1Maû 18:2

Nîwacokire akîvoota Amoabu na magîtuîka ndungata ciake na marîvage gooti yao kûrî mûthamaki Daudi.

Thaburi 110:2

Ngai-Mûnene nîagaatûma ûthamaki waku ûneneve kuuma Zayuni. Augîte atîrî, “Ûkaathanaga ûrî gatagatî ka nthû ciaku.”

Thaburi 45:6

Ûthamaki ûrîa Ngai akûvete nîûtûûra tene na tene. We wathaga andû aku na kîvooto;

Isaia 15:1

Îno nîyo ndûmîrîri ya Ngai îgiî Moabu: Îtûûra rîa Ari na rîa Kiri nîmacûkangîtue ûtukû ûmwe, naguo vûrûri wa Moabu ûkirîte îvooru.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Jeremia 48:1

Ngai-Mûnene mwene vinya wonthe Ngai wa Isiraeli arauga atîrî, “Kaî andû a Nebo marî na thîna-î, nîûndû îtûûra rîao nîrîcûkangie! Îtûûra rîa Kiriathaimu nîrîconorithie na gûgatavwa, nthingo ciakuo cia vinya nî nyomomore.

Jeremia 48:45

“Andû arîa maûraga mathiîcaga Heshiboni gûcaria ûgitîri, îtûûra rîrîa vîndî îmwe rîathagwa nî mûthamaki Sihoni, nîûndû mwaki ûmîte Heshiboni, rûrîrîmbî rwa mwaki rumîte nyomba ya Sihoni, ûkavîvia mîvaka yonthe ya Moabu, na ûkavîvia irîma cia andû aya aremi.

Zakaria 10:4

Juda nîgûkaauma athamaki a mîthemba mîîngî, atongoria mekariî ta îthiga rîa kona, kana gîkingi Kîam îgema, na marî na vinya ta ûta ûrîa ûvûthagîrwa mbaararî.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Ndari 21:29

Mue andû a Moabu mûrî arume! Mue andû a arîa mûgocaga Kemoshi mûrî acûkangie; ngai yenyu nîyatûmire arûme matuîke mbûrûrû, na aka matuîke mîgwate ya mûthamaki Sihoni wa Amori.

Ndari 24:16

Nî ûrathi wa mûndû ûrîa wîgucaga ciugo cia Ngai, na wîcî meciria ma Ûrîa ûrî Îgûrû Mûno, mûndû wonaga kîoneki kuuma kûrî Ngai ûrîa Ûrî Vinya, ûrîa wîgwîthagia nthî na akona cioneki.

Luka 1:78

Ngai wetû arî ntha na nî mûkirîrîria. Nîagaatûma tûthererwe nî ûtheri wa ûvonokio.

Ahib 1:8

Ûvoro wîgiî Mûriû Ngai nîwaugire atîrî, “Ûthamaki waku we Ngai nîûgûtûûra tene na tene! We wathaga andû aku na kîvooto.

Ahib 7:14

Nîgwîcîkene waro atî ke aaumîte mûvîrîgarî wa Juda. Rîrîa Musa aaragia îgûrû rîa athînjîri-Ngai ndaagweta wanarî ûndû wîgiî mûvîrîga ûcio.

2Pet 1:19

Na tûrî na ûma makîrîa wa ndûmîrîri îrîa yanîrîrwe nî arathi. Nîmwagîrîrwe nî kûthikîrîria ndûmîrîri îo, nîûndû yo îkariî ta taa yakanîte vandû ndumarî nginya gûkîe, na ûtheri wa njata ya kîraûko ûgakengaga ngororî cienyu.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”

1Sam 14:38

Kwoguo Saûlo nîwerire atongoria onthe a andû atîrî, “Ta ûkani ava twîthugunde nîguo tûmenye nî wîvia ûrîkû wîkîtwe ûmûnthî.