Ndari 23:10 - ÎVUKU RÎA ÛVORO MWARO

¹⁰ Njiarwa cia Isiraeli ciîngîvîte ta rûkûngû, nî eengî mûno ûndû matangîtarîka. Tiga nthirie mîthenya yakwa ta ûmwe wa andû a Ngai. Tiga ngue na thayû ta mûndû mûthingu.”

Ndari 23:10 ပူးပေါင်းရင်းမြစ်များ

Kîam 13:16

Nie nîngaatûma njiarwa ciaku ituîke nyîngî wata mûthetu wa nthî na gûtirî mûndû ûkaavota gûitara!

Kîam 22:17

Nama nîngaakûrathima na njiarwa nyîngî ta njata cia îgûrû kana ta mûthanga ûrîa ûrî rûtererî rwa îria. Njiarwa ciaku nîikaavoota nthû ciao.

Kîam 28:14

Njiarwa ciaku nîikengîva ta mûthetu wa nthî. Nîigaatamba mîena yonthe ya nthî. Na njîra ya njiarwa ciaku, nîngaarathima mavûrûri monthe nthî.

Thaburi 116:15

Gîkuû Kîam andû a Ngai-Mûnene, nî ûndû ûrî vata mbere yake.

Thaburi 37:37

Taroria andû arîa aro, na athingu; andû arîa marî thayû marî njiarwa nyîngî.

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Ndari 2:16

Andû onthe a Reubeni, kûringana na ikundi ciao makeethîrwa marî ngiri îgana rîa mîrongo îtano na îmwe na magana mana ma mîrongo îtano (151,450). Acio nîo makaarûmîrîra andû a mûvîrîga wa Juda.

Ndari 2:24

Andû onthe a Efiraimu, kûringana na ikundi ciao makeethîrwa marî ngiri îgana rîa inyanya na îgana rîmwe (108,100). “Andû a Efiraimu nîo makaathiî marî gîkundi gîa kathatû.

Ndari 2:31

Andû onthe a Dani, kûringana na ikundi ciao makeethîrwa marî ngiri îgana rîa mîrongo îtano na mûgwanja na magana matandatû (157,600). “Andû a Dani nîo makaathiî marî a mûthiia.”

Ndari 2:9

Andû onthe a Juda, kûringana na ikundi ciao makeethîrwa marî ngiri îgana rîa mîrongo înana na ithathatû na magana mana (186,400). Andû acio nîo makaambîrîria rûgendo marî a mbere.

Ndari 31:8

vamwe na athamaki atano a Midiani: Evi, Rekemu, Zuri, Huri na Reba. Nîmaacokire makîûraga Balaamu mûvîcî wa Beori.

2Akor 5:1

Tue nîtwîcî atî kûrî vîndî îgema rîîrî rîetû tûtûûraga rîa gûkû nthî rîkaatharua. Narîo îgema rîu nî mîîrî îno yetû. Vîndî îo Ngai akeethîrwa arî na nyomba yetû kûu îgûrû. Nyomba îo nîke ke mwene ûtumîte na îgaatûûra tene na tene.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”