Ndari 21:5 - ÎVUKU RÎA ÛVORO MWARO

⁵ Nîmaambîrîrie gûtetia Ngai na Musa makiugaga atîrî, “Mwatûrutire Misiri tûke tûkûre werûrî nîkî? Gûkû gûtirî irio kana manjî, wana tûrî atimbe nî irio ino.”

Ndari 21:5 ပူးပေါင်းရင်းမြစ်များ

Thaburi 68:6

Ngai nîavecaga athîni kûndû kwa gûtûûra; avingûragîra andû arîa ove na akamatûûria na gîkeno; nwatî arîa mareganaga nake matûûraga vûrûrirî mûmû.

Thaburi 78:19

Nîmaarumire Ngai makiugaga atîrî, “Ngai nwa atûretere irio werûrî?

Ntha 14:11

Nao nîmeerire Musa atîrî, “Nîkwa gûtaarî mbîrîra kûu Misiri nîguo ûtûrute kuo tûke tûkuîre gûkû werûrî? Taroria ûrîa wîkîte nîûndû wa gûtûruta Misiri!

Ntha 15:24

Nao andû a Isiraeli nîmaatetirie Musa na makîmûria atîrî, “Nîtûnyua ndûî?”

Ntha 16:15

Rîrîa andû a Isiraeli maakîonire nîmaaûranirie o ene atîrî, “Nîndûî gîkî?” Musa nîwamacokerie atîrî, “Ino nî irio îrîa Ngai-Mûnene amûveete mûrîe.

Ntha 16:31

Nao andû a Isiraeli nîmaavere irio icio rîîtwa magîciîta maana. Nacio ciekariî ta kavîndî kanini ka rangi mûcerû, na mûcamo wacio warî ta tûmîgate tûrugîtwe na ûûkî.

Nthi 27:7

Mûndû ûrîa ûrîte akavaa wana ûûkî nwa aûrege, nwatî mûndû arî mûvûtu egucaga wana irio irîa njûku irî na mûrîo.

Ezek 20:21

“Nwatî njiarwa ciao nîciatuîkire aremi na ikîregana nanie. Matiarûmîrîra irîra ciakwa na matiathîkîra mawatho makwa marîa mûndû amarûmîrîra matûmaga atûûra mwoyo. Nîmaaregire kûva thavatû ciakwa gîtîîo. Nînacokire ngîciria nîmetûrûrîre mang'ûrîka makwa nîguo nthirie marakara makwa kûrî o marî werûrî.

Ndari 11:20

nwatî nîmûirîa mweri mûgima. Nîmûirîa ciume na maniûrû, na mûtimbwe nîcio nîûndû nîmûreganîte na Ngai-Mûnene ûrîa ûrî vamwe namue. Mwîthîrîtwe mûgîteta mbere yake mûkiugaga wana nîkava mûtangîaumire Misiri.’ ”

Ndari 16:41

Mûthenya ûcio warûmîrîrîte, andû onthe a Isiraeli nîmaatetirie Musa na Aroni makîmeeraga atîrî, “Nîmwaûraga andû a Ngai-Mûnene.”

Ndari 17:12

Nao andû a Isiraeli nîmeerire Musa atîrî, “Taroria! Nîtwathira! Nîtwathira tuonthe!

1Akor 10:9

Tûtiagîrîrwe nî kûgeria Mwathani ta ûrîa amwe kuuma gatagatîrî kao meekire na makîûragwa nî njoka.