Ndari 20:5 - ÎVUKU RÎA ÛVORO MWARO

⁵ Watûrutire Misiri nîkî na ûgîtûrete gûkû gûcûku ûguo na gûtakûraga kîndû? Gûtirî irio cia mîgûnda, ngûû, thavibu, kana ngûngûmanga; na gûtirî manjî ma kûnyua.”

Ndari 20:5 ပူးပေါင်းရင်းမြစ်များ

Nehemia 9:21

Nîwamamenyerere îvinda rîa mîaka mîrongo îna marî werûrî na matiatura kîndû, nguo ciao itiathira kana magûrû mao maimba.

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Jeremia 2:6

Matieyûria atîrî, ‘Arîkû Ngai-Mûnene, ûrîa watûrutire vûrûri wa Misiri, na agîtûtongoria werûrî, vûrûri warî mûmagaru na warî na marima, kûndû gûtaarî manjî na kwarî nduma nene, vûrûri ûtavîtûkagîrîrwa nî mûndû, kana ûgatûûrwa nî andû?’

Ezek 20:36

Ngai-Mûnene augîte atî wata ûrîa aatuîrîre methe menyu marî werûrî wa Sinai nwaguo wana mue akaamûtuîrîra.

Ndari 16:14

Nama we ndwanatûkinyia vûrûrirî ûrîa wîcûrîte îriia na ûûkî, na ndwanatûgaîra ithaka na mîgûnda ya mîthavibu îtuîke yetû. Ûreciria nwa ûveenie andû aya onthe? Tîtûka!”

Ndari 20:24

“Aroni tîatonya vûrûri ûrîa neranîre atî nîngaava andû a Isiraeli. Ke nîagûkua nîûndû mue muoîrî nîmwareganire na ûrîa namwathire nîrî Meriba.

Ndari 27:14

nîûndû mûtiathîkîra watho wakwa rîrîa mwarî werûrî wa Zini. Vîndî îrîa andû amwe maatetire nîûndû wakwa marî Meriba, makîenda mavewe manjî ndwatûma riiri wakwa wonekane mbere yao.” (Meriba nî kîthima kîrîa Kîamrî Kadeshi werûrî wa Zini.)

Gûco 8:15

Ngai-Mûnene nwake wamûtongoririe kûu werûrî ûcio mûnene na warî na ûgwati mwîngî wa njoka irîa irî ûrogi na tûng'aurû. Vûrûri ûcio ndwarî na manjî na Ngai-Mûnene nîwatûmire manjî maume îthigarî mûnyue.