Ndari 20:12 - ÎVUKU RÎA ÛVORO MWARO

¹² Ngai-Mûnene nîwacokire akîra Musa na Aroni atîrî, “Nîûndû nîmwaregire kûmbîtîkia na kwonania ûtheru wakwa mbere ya andû a Isiraeli, mûtigaakinyia andû aya vûrûrirî ûrîa namaveere.”

Ndari 20:12 ပူးပေါင်းရင်းမြစ်များ

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

Thaburi 106:32

Nîmaarakaririe Ngai-Mûnene marî ithimarî cia Meriba, na Musa nîwanyitirwe nî thîna nîûndû wa ûrîa meekire.

Thaburi 99:8

We Ngai-Mûnene Ngai wetû, nîwegwire mavoya ma andû aku, nîwamoonirie atî we wî Ngai wovanagîra, wana ethîrwa nîwamaverithagia nîûndû wa mevia mao.

Isaia 7:9

Îtûûra rîrîa rînene rîa Isiraeli nî Samaria, na mûnene wa Samaria nî mûvîcî wa Remalia.” “Ethîrwa tî mwîtîkia, nama mûtigekindîria.”

Isaia 8:13

Nwatî ririkana, atî Ngai-Mûnene, mwene vinya wonthe, nînie nîngîkûmakia na nîmbagîrîrwe nî gwîtigîrwa.

Ezek 20:41

“Naamûruta kûrî ndûrîrî na mavûrûri marîa mûnyaganîrîtie na nîmûrete vamwe, nîngaamwamûkîra mûrî ta îgongoona rîrî na mûnungo mwaro wa kûngenia, nacio ndûrîrî nîikoona ûthingu wakwa.

Ezek 36:23

Rîîtwa rîakwa rîtheru rîrîa mwacambithirie gatagatîrî ka andû a ndûrîrî nîngaarîcokeria ûtheru warîo. Nacio ndûrîrî nîikaamenya atî, nie nînie Ngai-Mûnene. Nie Mwathani Ngai-Mûnene nînie mbugîte ûguo. Nîngaamûvûthîra monanie ûtheru wakwa mbere yao.

Ezek 38:10

Mwathani Ngai-Mûnene arera Gogu atîrî, “Rîrîa kavinda kau gagaakinya, nîûkaambîrîria gwîciiria maûndû macûku na kûvanga mîvango mîcûku ngororî yaku,

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Ndari 11:15

Ethîrwa ûguo nîguo ûkûthiî na mbere kûmbîka nakûthaitha ûmbûrage nîguo ndige kûthînîka ûguo nîrathînîka.”

Ndari 20:24

“Aroni tîatonya vûrûri ûrîa neranîre atî nîngaava andû a Isiraeli. Ke nîagûkua nîûndû mue muoîrî nîmwareganire na ûrîa namwathire nîrî Meriba.

Ndari 27:14

nîûndû mûtiathîkîra watho wakwa rîrîa mwarî werûrî wa Zini. Vîndî îrîa andû amwe maatetire nîûndû wakwa marî Meriba, makîenda mavewe manjî ndwatûma riiri wakwa wonekane mbere yao.” (Meriba nî kîthima kîrîa Kîamrî Kadeshi werûrî wa Zini.)

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Luka 1:20

Na nîûndû nîwarega gwîtîkia ûvoro ûcio nakwîra, ndûkaavotaga kwaria nginya mûthenya ûrîa maûndû mama makaavingua mavinda mamo marîa magîrîrîte makinya.”

Luka 1:45

Kûrathimwa nîwe nîûndû nîwetîkirie atî ndûmîrîri ya Mwathani kûrî we nî îkûvinga.”

Johana 1:17

Ngai aavecanire watho na njîra ya Musa, nwatî wega na ûma ciaûkire na njîra ya Jesû Kristû.

Aroma 4:20

Nake nîwekarire etîkîtie na atarî na nganja îgûrû rîa kîîranîro Kîam Ngai. Nîûndû wa gwîtîkia nîwagîre na vinya na agîkumia Ngai.

Gûco 1:37

Ngai-Mûnene nwa warakarire nînie nîûndû wa mevia menyu na akîmbîra atî, ‘Wa nawe ndûgatonya vûrûri ûcio.

Gûco 34:4

Ngai-Mûnene nîwacokire akîra Musa atîrî, “Ûyû nîguo vûrûri ûrîa nerîîre Iburahimu, Isaka na Jakovu na mwîvîtwa atî, nîngaava njiarwa ciao. Nînagwîtîkîria ûwone na metho, nwatî ndigaagwîtîkîria ûkinye kuo.”

Gûco 4:21

Ngai-Mûnene nîwarakarire nînie nîûndû wenyu na akîîvîta akiuga atî, ndikaaringa rûnjî rwa Jorodani na ndigaatonya vûrûri ûcio mwaro Ngai-Mûnene, Ngai wenyu amûveete ûtuîke îgai rîenyu.

Josh 1:2

atîrî, “Ndungata yakwa Musa nîîkuîte. Rîu ûkîra mûrî na andû a Isiraeli mûringe rûnjî rwa Jorodani mûthiî vûrûrirî ûrîa ngûmava.

1Pet 3:15

Nwatî ngororî cienyu vecagani Kristû gîtîîo kîrîa kîmwagîrîrîte ta Mwathani. Vîndî cionthe îthagîrwani mwîvarîrîtie gûcokeria mûndû wa wonthe ûrîa ûngîmûria mûmûtaarîrie ûvoro wîgiî mwîrîgîrîro ûrîa mûrî naguo.