Ndari 2:2 - ÎVUKU RÎA ÛVORO MWARO

² “Andû a Isiraeli makambaga magema wa mûndû vakuvî na vendera yao. Nao makambaga magema mao mathiûrûrûkîrîtie îgema rîa Ngai-Mûnene.

Ndari 2:2 ပူးပေါင်းရင်းမြစ်များ

Thaburi 74:4

Nthû ciaku iraugîrîria irî hekarûrî yaku nîûndû nîivootanîte; maavandîte vendera ciao kuo cia kwonania ûvootani wao.

Thaburi 76:11

Vingîriani Ngai-Mûnene, Ngai wenyu maûndû marîa wamwîrîre; mue andû a mavûrûri monthe marîa marî vakuvî reterani Ngai iveo. Ngai nîatûmaga andû onthe mamwîtigîre.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 18:3

Mue arîa mûtûûraga mavûrûrirî monthe ma nthî, namue mûtûûraga nthî, rîrîa kîmenyithia gîkoonanua îgûrû rîa kîrîma, mûkaaroria! Rîrîa karumbeta gakaavuvwa, mûkaathikîrîria!

Ezek 43:7

akiuga atîrî, “Mûndû, gîkî nîkîo gîtî gîakwa Kîam ûthamaki na nîvo mbigaga magûrû makwa. Nîndûûra gatagatî ka andû a Isiraeli na nîmathamakîre tene na tene. Andû a Isiraeli kana athamaki ao matigacoka kûgwatia rîîtwa rîakwa rîtheru gîko rîngî makîgooca mîvuanano kana makîthika ciimba cia athamaki ao kûndû gûkû kûtheru.

Zakaria 9:16

Mûthenya ûcio Ngai-Mûnene, Ngai wao nîakaamavonokia, nîûndû nî ndîthia ya andû ake. Andû ake magaakengaga marî vûrûrirî wake, ta ûrîa îthiga rîa goro rîkengaga rîrî ngoviarî ya mûthamaki.

Ndari 1:50

Vandû va ûguo, tua andû a mûvîrîga wa Lawi a gûkuuaga îthandûkû rîa kîrîkanîro vamwe na indo ciarîo cionthe. Nwanginya mamenyagîrîre îthandûkû rîu na matume magema mao marîthiûrûrûkîrîtie.

Ndari 10:14

Maathiîcaga vîndî cionthe marûmanîrîrîte gîkundi wa gîkundi mambîrîrîtie na mûvîrîga wa Juda na matongoretue nî vendera yao. Nahashoni mûvîcî wa Aminadabu nîke warî mûtongoria wao.

Ndari 10:18

Nîmaacokaga makarûmîrîrwa nî andû a mûvîrîga wa Reubeni marûmîrîrîte vendera yao. Maatongoretue nî Elizuri mûvîcî wa Shedeuri.

Ndari 10:22

Ikundi cia andû a mûvîrîga wa Efiraimu nîciambîrîrie rûgendo irûmîrîrîte vendera yao. Mûtongoria wao aarî Elishama mûvîcî wa Amihudi.

Ndari 10:25

Mûthiiarî ikundi cia andû a mûvîrîga wa Dani, nîciambîrîrie rûgendo irûmîrîrîte vendera yao. Acio nîo maarî arangîri a ikundi cionthe mwena wa vuva. Mûtongoria wao aarî Ahiezeri mûvîcî wa Amishadai.

Ndari 2:1

Ngai-Mûnene nîwerire Musa na Aroni atîrî,

Ndari 2:10

“Andû a Reubeni makaamba magema mao mwena wa îveti vakuvî na vendera yao. Mûtongoria wao akeethîrwa arî Elizuri mûvîcî wa Shedeuri.

Ndari 2:3

“Andû a Juda makaamba magema mao mwena wa îrathîro vakuvî na vendera yao. Mûtongoria wao akeethîrwa arî Nahashoni mûvîcî wa Aminadabu.

Ndari 24:2

Balaamu nîwaroririe andû a Isiraeli na akîona wa mûvîrîga wambîte magema vandû va guo. Nîwatonyirwe nî Roho wa Ngai,

1Akor 14:33

Nîûndû Ngai tî Ngai wa kûvîngîcithania maûndû nwatî nî Ngai wa thayû. Wa ta ûrîa gwîkariî makanitharî monthe ma andû a Ngai,

1Akor 14:40

Maûndû monthe magîrîrwe marûthagwe na njîra mbaro na îrî na mûvango.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Akol 2:19

na ndevokete Kristû ûrîa arîke kîongo. Kristû nîke ûvecaga mwîrî wonthe vinya na akaûnyitithania vamwe ta ûrîa mavîndî ma mwîrî wonthe manyitithanagua vamwe nî mîkiva. Kwoguo mwîrî nîûkûraga na njîra îrîa Ngai endaga ûkûre.

Josh 3:4

Nao nîmakaamwonia kûrîa mûkaathiî, nîûndû mue mûtianakinya gûkû rîngî. Nwatî mûtikathiî vakuvî na îthandûkû rîa Kîrîkanîro. Gatagatî kenyu na îthandûkû rîu vethîrwe na ûtiganu ta wa kilomita îmwe.”