Ndari 19:21 - ÎVUKU RÎA ÛVORO MWARO

²¹ Watho ûyû nîûtûûra ûrûmagîrîrwa. Mûndû ûrîa ûminjaminjaga manjî mau ma kwîtheria wanake akathambagia nguo ciake. Mûndû ûrîa ûvutagia manjî mau ma kwîtheria ethagîrwa atarî mûtheru nginya kîvwaî.

Ndari 19:21 ပူးပေါင်းရင်းမြစ်များ

Ntha 27:21

Taa nîigagwe îgemarî rîa Ngai-Mûnene nja ya gîtambaa kîrîa kîgaanîtie varîa îthandûkû rîa kîrîkanîro Kîam Ngai-Mûnene rîrî. Nake Aroni na avîcî ake mamîmenyagîrîre îkarage îgîakanaga îrî mbere ya Ngai-Mûnene kuuma kîvwaî nginya kîraûko. Watho ûyû nîwakûrûmagîrîrwa nî njiarwa cia andû a Isiraeli nginya tene na tene.

Alawi 11:25

Mûndû wa wonthe ûgaakuua gîcunjî gîa ciimba cia nyamû icio akeethîrwa arî na mûgiro nginya kîvwaî, na nguo ciake nwanginya ithambue.

Alawi 11:40

Nake mûndû ûrîa ûkaarîa nyama cia kimba kîu, nwanginya akaathambia nguo ciake, nwatî akethîrwa arî mûgiro nginya kîvwaî; mûndû wa wonthe ûgaakuua kimba nwanginya akaathambia nguo ciake, nwatî akethîrwa arî mûgiro nginya kîvwaî.

Ndari 18:23

Nwatî Alawi onga nîo magaatungataga îgemarî rîa Ngai-Mûnene na marîmenyagîrîre. Watho ûyû nîwagûtûûra ûrûmagîrîrwa nî njiarwa cionthe ciaku. Alawi matikagaa kîndû vûrûri wa Isiraeli,

Ndari 19:10

Mûndû ûrîa ûkaaûngania mûu nwanginya akaathambia nguo ciake, nwatî akeethîrwa atarî mûtheru nginya kîvwaî. Watho ûyû nîûtûûra ûrûmagîrîrwa nî andû a Isiraeli wa vamwe na ageni arîa matûûranagia nao.

Ndari 19:7

Mûthînjîri-Ngai nîagaacoka athambie nguo ciake, na ethambie mwîrî na atonye kûrîa mambîte magema. Nwatî mûthînjîri-Ngai ageekara atarî mûtheru nginya kîvwaî.

Ndari 19:8

Mûndû ûrîa ûkaavîvia mori nwanginya wanake akaathambia nguo ciake na ethambie mwîrî, nwatî wanake ageekara atarî mûtheru nginya kîvwaî.

Ahib 10:4

Nîûndû nthakame ya ndegwa na nthenge ndîngîthengutia mevia kuuma kûrî andû.

Ahib 7:19

Nîûndû Watho wa Musa ndûngîatuire ûndû wana ûrîkû mûkinyanîru. Nwatî rîu nîtûvetwe kîîrîgîrîro kîngî Kîamro makîria ya kîrîa gîtûmaga tûthiî vakuvî na Ngai.

Ahib 9:10

Nîûndû iveo na mambura mau monanagia ûvoro wa kûrîa, kûnyua, na mambura mwanya mwanya ma kwîtheria. Mawatho mau monthe megiî ûvoro wa mwîrî, na mathiraga vinya rîrîa Ngai akathondeka ûndû mûcerû.