Ndari 19:19 - ÎVUKU RÎA ÛVORO MWARO

¹⁹ Mûthenya wa kathatû na wa mûgwanja, mûndû ûrîa mûtherie nîakaaminjîria mûndû ûrîa ûtarî mûtherie manjî. Mûthenya wa mûgwanja, nîakaathambia nguo ciake na acoke ethambie mwîrî na ekare atarî mûtheru kinya kîvwaî.

Ndari 19:19 ပူးပေါင်းရင်းမြစ်များ

Kîam 2:2

Naguo mûthenya wa mûgwanja Ngai aarî mûrîkiu wîra ûrîa aarutaga, na akînogoka.

Ntha 19:10

nake Ngai-Mûnene akîmwîra atîrî, “Thiî kûrî andû na ûmeere metherie ûmûnthî na rûyû, na ûmeere atî nwanginya mathambie nguo ciao,

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Alawi 14:7

Mûthînjîri-Ngai nîakaaminjîria mûndû ûrîa ûkûtherua kuumana na mûrimû mûcûku wa ngothi nthakame îo maita mûgwanja, na arîkia gwîka ûguo auge atî mûndû ûcio nî mûtheru. Nîagaacoka arekererie gîconi kîu kîrî mwoyo kîgûrûke.

Alawi 14:9

Mûthenya wa mûgwanja mûndû ûcio nîakeenja njuîrî cia kîongo gîake rîngî, nderu ciake, njuîrî ciake cia metho, na njuîrî icio ciîngî cionthe cia mwîrî wake. Nîagaacoka athambie nguo ciake, ethambie na nîakaathera.

Ndari 19:12

Ke aketheragia na manjî mûthenya wa kathatû na mûthenya wa mûgwanja nîguo ethîrwe arî mûtheru. Nwatî angîrega kwîtheria mûthenya wa kathatû na wa mûgwanja, mûndû ûcio akethagîrwa atarî mûtheru.

Ndari 19:13

Mûndû wa wonthe ûvutagia kimba Kîam mûndû na akarega kwîtheria ethagîrwa atarî mûtheru, nîûndû tî mûminjîrie manjî ma kwîtheria. Angîthiî îgemarî rîa Ngai-Mûnene nwa arîgwatie gîko na ndakethagîrwa arî ûmwe wa andû a Ngai-Mûnene.

Ndari 19:18

Mûndû ûrîa mwîtheriu nîagoca hisofu na amîrinde manjîrî, na acoke aminjaminjîrie îgema, na indo cionthe irîa irî kuo vamwe na andû arîa marî kuo. Nîagaacoka aminjîrie manjî mûndû ûrîa ûkeethîrwa avutîtie îvîndî rîa mûndû mûkuû, kimba kana mbîrîra.

Ndari 31:19

Muonthe arîa mûragîte mûndû kana mûvutîtie kimba nwanginya mwîkare nja ya kûrîa mwambîte magema îvinda rîa mîthenya mûgwanja. Mûthenya wa kathatû na mûthenya wa mûgwanja, mwîtherie vamwe na aka arîa mûtavîte.

Ndari 31:24

Mûthenya wa mûgwanja nwanginya mûkaathambia nguo cienyu; na vîndî îo mûkethîrwa mûrî atheru na nîmûgetîkîrua gûtonya kûrîa andû mambîte magema.”

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

Juda 1:23

Vonokagiani arîa engî na njîra ya kûmathara kuuma mwakirî. Nao arîa engî megucagîreni ntha mûrî na guoya, na mûmenage nguo ciao irîa ithanîtue nî merirîria mao macûku.