Ndari 19:13 - ÎVUKU RÎA ÛVORO MWARO

¹³ Mûndû wa wonthe ûvutagia kimba Kîam mûndû na akarega kwîtheria ethagîrwa atarî mûtheru, nîûndû tî mûminjîrie manjî ma kwîtheria. Angîthiî îgemarî rîa Ngai-Mûnene nwa arîgwatie gîko na ndakethagîrwa arî ûmwe wa andû a Ngai-Mûnene.

Ndari 19:13 ပူးပေါင်းရင်းမြစ်များ

Ntha 30:33

Mûndû wa wonthe ûkaarûtha maguta ta mama kana mavakwe mûndû ûtarî mûthînjîri-Ngai ndagaacoka gûtuîka ta ûmwe wa andû akwa.’ ”

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Ezek 44:26

Agwatwa nî gîko, agekaraga mîthenya mûgwanja, na yathira nîakaathera.

Alawi 15:31

“Ngai-Mûnene nîwerire Musa akaanie andû a Isiraeli gûkuvîvîria îgema rîa Ngai-Mûnene rîrîa rîarî gatagatîrî kao vîndî îrîa matarî atheru, nîûndû meka ûguo nîmagaakua nîûndû wa kûgwatia îgema rîa Ngai-Mûnene gîko.”

Alawi 20:3

Mûndû ûrîa ûkaavaka îgema rîakwa rîtheru mûgiro na aconorithie rîîtwa rîakwa rîtheru na njîra ya kûvecana wanarî ûmwe wa ciana ciake kûrî Moleku, nîngaamûverithia na nîmwamûranie na andû akwa.

Alawi 22:3

Mûndû wa wonthe kuuma njiarwarî ciaku ûrîa ûgaakuvîrîria matega matheru marîa andû a Isiraeli manyamûrîrîte atarî mûtheru, mûndû ûcio ndakaandungatîra arî mûthînjîri-Ngai rîngî. Watho ûyû nîûtûûra ûrûmagîrîrwa. Nie nînie Ngai-Mûnene.

Alawi 22:4

“Gûtirî mûndû wa njiarwa cia Aroni ûrî na mûrimû mûcûku wa ngothi kana arwarîte ciîga ciake cia ûciari na mavira makethîrwa makiuma ciîgarî icio, wagîrîrwe nî kûrîa matega matheru nginya vîndî îrîa akaathera. Mûthînjîri-Ngai wa wonthe ûkaavûrûria kîndû wa kîonthe kîvûrûrîtie kimba kana mûndûmûrûme etûrûrîte vinya wake wa ûciari,

Alawi 5:17

“Ethîrwa mûndû wa wonthe nwa evie atakwenda na njîra ya kuna rîmwe rîa maathani ma Ngai-Mûnene, mûndû ûcio arî na mavîtia na nwanginya akaaverithua.

Alawi 5:3

Ethîrwa mûndû nwa anyite kîndû wa kîonthe kîrî mûgiro kiumanîte na mûndû atakûmenya, wana ethîrwa kîrî ndûî, akeethîrwa arî na mavîtia vîndî îrîa akaamenya ûrîa ekîte.

Alawi 5:6

Nîakaarutîra Ngai-Mûnene îtega rîa kûtheria wîvia ûrîa ekîte, narîo îtega rîu rîkeethîrwa rîrî rîa mwatî kana nthenge. Nake mûthînjîri-Ngai nîakaaruta îgongoona nîûndû wa kûtheria wîvia wa mûndû ûcio na nîakooverwa.

Alawi 7:20

nwatî mûndû ûrîa ûrî na mûgiro angîrîa nyama icio, mûndû ûcio nîakaamûranua na andû a Ngai-Mûnene.

Alawi 7:21

Mûndû wa wonthe angîvutia kîndû kîrî mûgiro kuuma kûrî mûndû kana nyamû acoke arîe nyama icio, mûndû ûcio nîakaamûranua na andû a Ngai-Mûnene.

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Ndari 19:14

Mûndû angîkuîra îgemarî, andû arîa marî îgemarî kavindarî kau na arîa mangîcoka gûtonya îgemarî rîu makeethîrwa matarî atheru îvinda rîa mîthenya mûgwanja.

Ndari 19:18

Mûndû ûrîa mwîtheriu nîagoca hisofu na amîrinde manjîrî, na acoke aminjaminjîrie îgema, na indo cionthe irîa irî kuo vamwe na andû arîa marî kuo. Nîagaacoka aminjîrie manjî mûndû ûrîa ûkeethîrwa avutîtie îvîndî rîa mûndû mûkuû, kimba kana mbîrîra.

Ndari 19:19

Mûthenya wa kathatû na wa mûgwanja, mûndû ûrîa mûtherie nîakaaminjîria mûndû ûrîa ûtarî mûtherie manjî. Mûthenya wa mûgwanja, nîakaathambia nguo ciake na acoke ethambie mwîrî na ekare atarî mûtheru kinya kîvwaî.

Ndari 19:20

Mûndû ûrîa wîthagîrwa atarî mûtheru na akarega kwîtheria, mûndû ûcio akaathengutagua kûrî andû a Ngai-Mûnene nîûndû nîagwatîtie îgema rîa Ngai-Mûnene gîko nîûndû tî mûminjîrie manjî ma kwîtheria.

Ndari 19:9

Mûndû ûrîa mûtheru nîagoca mûu wa mori îo, awîkîre vandû vatheru, na awige nja ya kûrîa andû matûûraga. Mûu ûcio nî wa andû a Isiraeli ûrîa magaatûmagîra makîvarîria manjî ma kwîtheria. Mambura mama nîma kûtheria mevia.

Ndari 8:7

ta û: Maminjîrie manjî matheru na ûmeere meyenje mîîrî yao yonthe na mathambie nguo ciao nîguo methîrwe marî atheru.

Ndari 9:13

Nwatî mûndû wa wonthe mûtheru, na ethîrwe ndarî rûgendorî na ndakûngûagîra Pasaka ndakethagîrwa arî ûmwe wa andû akwa, nîûndû ndandutagîra matega vîndî îrîa îtuîtwe. Mûndû ûcio akaaverithua nîûndû wa mevia make.

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Ahib 9:10

Nîûndû iveo na mambura mau monanagia ûvoro wa kûrîa, kûnyua, na mambura mwanya mwanya ma kwîtheria. Mawatho mau monthe megiî ûvoro wa mwîrî, na mathiraga vinya rîrîa Ngai akathondeka ûndû mûcerû.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:11

Kwoguo ûrîa wîkaga naaî nî athiî na mbere gwîka naaî, nake ûrîa mwaganu nî athiî na mbere kwagana. Mûndû ûrîa mwaro nî athiî na mbere gûtuîka mwaro, nake ûrîa mûtheru nî athiî na mbere gûtuîka mûtheru.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.