Ndari 18:4 - ÎVUKU RÎA ÛVORO MWARO

⁴ Mûkaarutithanagia wîra vamwe nao, na mûrutage mawîra monthe ma îgema rîa Ngai-Mûnene. Gûtirî mûndû wîngî ûkaagûkuvîvîria.

Ndari 18:4 ပူးပေါင်းရင်းမြစ်များ

Ezek 44:14

Kûnarî ûguo nîngamathuura mavaragîrie hekarû na marutage mawîra marîa marutagwa kuo.”

Ndari 1:51

Vîndî îrîa îgema rîgûkuuwa, Alawi nîo makaarîambûranagia, na vîndî îrîa rîkûrûngamua, nwao makaarîambaga. Mûgeni wa wonthe ûkarîkuvagîrîria nîakaaûragwa.

Ndari 1:53

Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 18:3

Makaarutaga mawîra marîa ûkaamavecaga, na matungatage îgemarî. Nwatî matiagîrîrwe nî gûkuvîvîria indo cia vandû varîa vatheru kana metha ya kîgongoona, nîûndû mûngîgeeka ûguo, we wana o, nî mûgaakua.

Ndari 18:5

We vamwe na avîcî aku nwanginya mûmenyagîrîre Vandû varîa Vatheru wa vamwe na metha ya kîgongoona nîguo ndikarakare rîngî nîûndû wa andû a Isiraeli.

Ndari 3:10

Nî ûkathuura Aroni na avîcî ake matuîke athînjîri-Ngai, nwatî mûndû wîngî wa wonthe ûkaageria kûruta wîra ûcio, nîakaaûragwa.”

Ndari 31:30

Kuuma kûrî gîcunjî kîrîa Kîamveerwe andû arîa engî, ocani mûndû ûmwe kuuma kûrî wa andû mîrongo îtano arîa matavîtwe, na gîcunjî wata kîu kuuma kûrî ng'ombe, mvunda, ng'ondu na mbûri, mûinenganîre kûrî Alawi arîa mamenyagîrîra îgema rîa Ngai-Mûnene.”

Ndari 8:26

Nwa atethagîrîrie Alawi acio engî gûtungata îgemarî rîa Ngai-Mûnene. Nwatî ndagîrîrwe nî kûruta wîra arî wenga.”

1Sam 6:19

Nake Ngai-Mûnene akîûraga andû mîrongo mûgwanja a kûu Bethi-shemeshu nîûndû nîmaaroririe ndaarî ya îthandûkû rîa Kîrîkanîro rîa Ngai-Mûnene. Nao andû acio engî makîgua kîeva nîûndû wa ûrîa Ngai-Mûnene aaûragîte andû eengî gatagatîrî kao.