Ndari 18:32 - ÎVUKU RÎA ÛVORO MWARO

³² Mûtikethîrwa mwîkîte naaî nîûndû wa kûrîa matega mau, ethîrwa mûkethagîrwa mûrutîrîte Ngai-Mûnene marîa maro mûno kuuma kûrî mo. Nwatî menyagîrîrani mûtigatûmagîre naaî iveo irîa nyamûre cia andû a Isiraeli na njîra ya kûrîa wanarî kîmwe gîa cio mbere ya kîrîa Kîamro mûno gîa cio kîrutîrwa Ngai-Mûnene. Mûngîgeeka ûguo, nîmûkaaûragwa.”

Ndari 18:32 ပူးပေါင်းရင်းမြစ်များ

Ntha 28:43

Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake.

Alawi 19:8

Mûndû ûrîa ûkaairîa akethîrwa arî na wîvia nîûndû wa kûgwatia kîndû kîrîa nyamûrîrîtwe mûgiro, na mûndû ûcio nîakaamûranua na andû akwa.

Alawi 22:2

“Îra Aroni na avîcî ake, atî nwanginya matîîage matega matheru marîa andû a Isiraeli manyamûrîrîte, nîguo athînjîri-Ngai acio matigaconorithie rîîtwa rîakwa rîtheru. Nie nînie Ngai-Mûnene.

Malaki 1:7

Mûnyararîte na njîra ya kûrutîra metharî yakwa ya kîgongoona matega ma irio irî na gîko. Nwatî mûragia atîrî, ‘Tûkîvakîte gîko atîa?’ Na njîra ya kûnyarara metha yakwa ya kîgongoona.

Ndari 18:22

Kuuma rîu andû acio engî a Isiraeli matigakuvîvîrie îgema rîa Ngai-Mûnene nîguo matikevie meretera gîkuû.

Ndari 18:31

We na andû a mûciî waku nwa mûrîîre irio icio ciîngî vandû wa vonthe nîûndû rîu nîrîo îrîvi rîenyu nîûndû wa gûtungata îgemarî rîa Ngai-Mûnene.

Ndari 19:1

Ngai-Mûnene nîwathire Musa na Aroni

1Akor 11:27

Kwoguo mûndû wa wonthe ûrîcaga mwîrî wa Mwathani kana akanyuîra gîkomberî gîake na njîra îtarî mbagîrîru nîatuîkaga mwîvia kûrî mwîrî na nthakame ya Mwathani.

1Akor 11:29

Nîûndû mûndû wa wonthe ûrîcaga mwîrî ûcio na akanyuîra gîkomberî kîu atakûmenya vata wa mwîrî wa Mwathani nîwîtucagîra ke mwene.