Ndari 18:31 - ÎVUKU RÎA ÛVORO MWARO

³¹ We na andû a mûciî waku nwa mûrîîre irio icio ciîngî vandû wa vonthe nîûndû rîu nîrîo îrîvi rîenyu nîûndû wa gûtungata îgemarî rîa Ngai-Mûnene.

Ndari 18:31 ပူးပေါင်းရင်းမြစ်များ

Ndari 18:30

Warîkia kûvecana kîveo kîrîa Kîamro mûno, nwa wige icio ciîngî wata ûrîa mûrîmi aigaga indo irîa ciatigara arîkia kûruta îtega rîake.

Ndari 18:32

Mûtikethîrwa mwîkîte naaî nîûndû wa kûrîa matega mau, ethîrwa mûkethagîrwa mûrutîrîte Ngai-Mûnene marîa maro mûno kuuma kûrî mo. Nwatî menyagîrîrani mûtigatûmagîre naaî iveo irîa nyamûre cia andû a Isiraeli na njîra ya kûrîa wanarî kîmwe gîa cio mbere ya kîrîa Kîamro mûno gîa cio kîrutîrwa Ngai-Mûnene. Mûngîgeeka ûguo, nîmûkaaûragwa.”

Mathaayo 10:10

Rûgendorî mûtigekuuîre mûvuko, kana cati igîrî kana iratû, wana kana mûtiriî. Mûruti wîra nîwagîrîrwe nî kûvewa kîrîa avatarîte.

Luka 10:7

Îkaragani mûciîrî ûcio mûkîrîcaga na mûkînyunyaga kîndû wa kîonthe kîrîa andû akuo makamûnengagîra, nîûndû mûthûkûmi nîwagîrîrwe kûvewa mûcara wake. Mûtikaûrûrage kuuma mûciîrî ûmwe nginya ûrîa wîngî.

2Akor 12:13

Nîûndû ûrîkû mûcûku mwekirwe makîria ya makanitha marîa mengî, tiga atî nie ndiamûnogia ngîenda ûtethio wa mbeca? Njoverani nîûndû wa kûmûvîtîria!

Agal 6:6

Mûndû ûrîa ûthomithagua ûvoro wa Kristû nîwagîrîrwe nî kûgaanaga maûndû monthe maro na mûndû ûrîa ûramûthomithia.