Ndari 18:22 - ÎVUKU RÎA ÛVORO MWARO

²² Kuuma rîu andû acio engî a Isiraeli matigakuvîvîrie îgema rîa Ngai-Mûnene nîguo matikevie meretera gîkuû.

Ndari 18:22 ပူးပေါင်းရင်းမြစ်များ

Ntha 28:43

Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake.

Alawi 20:20

Mûndûmûrûme angîkaamenyana kîîmwîrî na mûka wa mamawe, kûu nî gûconorithia mamawe. Andû acio wa oîrî nîmakaaverithua nîûndû wa mevia mao, na gûtirî wanarî ûmwe wa ciao ûkaagîa na njiarwa.

Alawi 22:9

“Athînjîri-Ngai onthe nwanginya mamenyerere mawatho marîa nîmavete. Nwatî mangîrega gwîka guo makethîrwa marî na mevia na nîmagaakua, nîûndû wa kûrega kwathîkîra mawatho makwa. Nie nînie Ngai-Mûnene na nînie ntheragia athînjîri-Ngai.

Ndari 18:7

Nwatî we na avîcî aku muenga mûkaarutaga na kinyi mawîra monthe marîa mûthînjîri-Ngai agîrîrwe nî kûruta metharî ya kîgongoona na varîa vatheru Mûno. Mau nîmo mawîra marîa mûkaarutaga, nîûndû nînîmûvete kîveo Kîam gûtuîka athînjîri-Ngai. Mûndû wîngî wa wonthe ûrîa ûgaakuvîvîria varîa vatheru Mûno nî akaaûragagwa.”

Ndari 3:10

Nî ûkathuura Aroni na avîcî ake matuîke athînjîri-Ngai, nwatî mûndû wîngî wa wonthe ûkaageria kûruta wîra ûcio, nîakaaûragwa.”

Ndari 3:38

Musa, Aroni na avîcî ake maambire magema mao mwena wa îrathîro wa îgema rîa Ngai-Mûnene. Wîra wao warî wa gûtungata Vandû varîa Vatheru vandûrî va andû a Isiraeli, na mûndû wîngî wa wonthe ûngîageririe kûruta wîra ûcio nîkwa angîaûragirwe.