Ndari 18:2 - ÎVUKU RÎA ÛVORO MWARO

² Kwoguo îta andû enyu a mûvîrîga wa Lawi nîguo mamûtethagie rîrîa we na avîcî aku mûratungata îgemarî rîa gûcemanîrua.

Ndari 18:2 ပူးပေါင်းရင်းမြစ်များ

Kîam 29:34

Nîwagîre îvu rîngî na agîciara kavîcî kengî. Nîwaugire atîrî, “Rîu nîtûkûgwatana na mûthuuri wakwa na vinya nîûndû nînîmûciarîrîte tûvîcî tûthatû.” Kwoguo nîwagatuîrîre rîîtwa Lawi.

2Maû 30:16

Athînjîri-Ngai na Alawi nîmeekarire wa andû varîa maagîrîrwe nî gwîkara wata ûrîa watho wa Musa, mûndû wa Ngai ugîte. Alawi nîmaanengere athînjîri-Ngai nthakame ya magongoona na makîmîminjaminja metharî ya kîgongoona.

Ezek 44:11

Magaatungataga hekarûrî yakwa marî arangîri a ivingo, na marutage mawîra mengî ma hekarû. Makaathînjaga nyamû irîa irutîtwe cia magongoona ma kûvîvua na cia magongoona mengî na matungatage andû.

Ezek 44:15

Ngai-Mûnene nîwaugire atîrî, “Athînjîri-Ngai a mûvîrîga wa Lawi, a njiarwa cia Zadoku nîo maamenyagîrîra hekarû yakwa rîrîa andû acio engî a Isiraeli maandiganîrîtie. Acio nîo makaandungatagîra na maûkage mbere yakwa kûndutîra maguta na nthakame.

Malaki 2:4

Kwoguo nîmûkaamenya atî nîmûvete watho ûyû nîguo kîrîkanîro gîakwa na nyomba ya Alawi gîtûûre.

Ndari 1:53

Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Ndari 17:7

Musa nîwacokire akiga mîragi îo mbere ya Ngai-Mûnene kûu îgemarî rîa gûcemanîrua.

Ndari 18:4

Mûkaarutithanagia wîra vamwe nao, na mûrutage mawîra monthe ma îgema rîa Ngai-Mûnene. Gûtirî mûndû wîngî ûkaagûkuvîvîria.

Ndari 3:5

Ngai-Mûnene nîwerire Musa atîrî,

Ndari 4:15

Vîndî îrîa andû acio makethîrwa makiumagara, andû a mûvîrîga wa Kohathu nîmagaaûka makuue indo irîa ntheru cia kîgongoona, ciarîkia gûkunîkîrwa nî andû a mûvîrîga wa Aroni. Andû a mûvîrîga wa Kohathu matigakuua indo irîa ntheru nîguo matigakue. “Mawîra mau nîmo makaarutagwa nî andû a mûvîrîga wa Kohathu îgemarî rîa Ngai-Mûnene.

Ndari 8:19

Nîmvecanîte Alawi kûrî Aroni na avîcî ake marî kîveo kuuma kûrî Aisiraeli, nîguo matungatagîre Aisiraeli îgemarî rîa Ngai-Mûnene, na mamagitagîre kûrî thîna ûrîa mangîcemania naguo mangîkuvîrîria varîa vatheru Mûno.”

Ndari 8:22

Kwoguo Alawi nîmaathiîre gûtungata îgemarî rîa Ngai-Mûnene marî rungu rwa Aroni na avîcî ake.

Ahib 9:6

Maûndû mau mavangîtwe ta ûû: Athînjîri-Ngai mathiîcaga îgemarî rîa nja wa mûthenya kûruta wîra wao wa ûtungati.