Ndari 18:1 - ÎVUKU RÎA ÛVORO MWARO

¹ Ngai-Mûnene nîwerire Aroni atîrî, “We, avîcî aku, vamwe na andû a nyomba yaku nî mue mûkaaverithua kûngîkaagîa na mavîtia marûthîrîtwe varîa Vatheru. Nwatî we na avîcî aku nîmue mûkaaverithua nîûndû wa mavîtia marîa makaaumana na ûthînjîri-Ngai.

Ndari 18:1 ပူးပေါင်းရင်းမြစ်များ

Ntha 28:38

Aroni agagekagîra kîthithirî gîake vîndî cionthe, nîguo nie, Ngai-Mûnene mbîtîkagîre matega marîa andû a Isiraeli makandutagîra wana ethîrwa mekîte mavîtia vîndî îrîa makûndutîra matega.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Isaia 53:6

“Tue tuonthe nî tûrîte ta ng'ondu, wa mûndû akathiî njîra yake ke mwene. Nwatî Ngai-Mûnene nîwamwigîrîre mevia, marîa twagîrîrwe nî gûkuua tuonthe.

Ezek 4:4

“Ûcoke ûmame na mwena wa ûmotho, na wîigîrîre mevia ma nyomba ya Isiraeli. Nîûgakuua mevia mao îvinda rîa mîthenya îrîa yonthe ûkaamama na mwena wa waku wa ûmotho.

Alawi 10:17

“Mwaregire kûrîa îtega rîa kûtheria mevia mûrî vandû varîa vamûre nîkî? Îtega rîu nî rîtheru mûno na Ngai-Mûnene amûvete rîo rîrî rîa kûtheria wîvia wa andû.

Alawi 22:16

na njîra ya gwîtîkîria mûndû ûtarî mwîtîkîrie kûrîa irio icio. Mûndû ta ûcio angîrîa irio icio nwa ethîrwe arî na wîvia na nwa averithue.” Nie nînie Ngai-Mûnene na nînie ntheragia matega.

Alawi 22:9

“Athînjîri-Ngai onthe nwanginya mamenyerere mawatho marîa nîmavete. Nwatî mangîrega gwîka guo makethîrwa marî na mevia na nîmagaakua, nîûndû wa kûrega kwathîkîra mawatho makwa. Nie nînie Ngai-Mûnene na nînie ntheragia athînjîri-Ngai.

Ndari 14:34

Mûgaatûûra mûnyamaraga mûrî werûrî îvinda rîa mîaka mîrongo îna (40). Mwaka ûmwe ûkaarûngamagîrîra mûthenya ûmwe wa mîthenya îrîa mwaûrûraga mûrî werûrî nîguo mûmenye nînaarakarire!

Ndari 16:10

Ngai-Mûnene nîakûvete gîtîîo gîa kwîthagîrwa ûrî vakuvî nake we mwene na Alawi acio engî. Rîu nîkwa wana mûrenda gûtuîka athînjîri-Ngai?

Ndari 17:13

Mûndû wa wonthe ûgaakuvîvîria îgema rîa Ngai-Mûnene nîagaakua. Nîkwa tûgaakua tuonthe?”

Ndari 17:3

Andîka rîîtwa rîa Aroni mûragirî ûrîa ûrûngamîrîrîte mûvîrîga wa Alawi. Mûtongoria wa wonthe wa mûvîrîga nîethîrwe arî na mûragi ûmwe.

Ndari 17:7

Musa nîwacokire akiga mîragi îo mbere ya Ngai-Mûnene kûu îgemarî rîa gûcemanîrua.

Ndari 18:11

“Matega mengî marîa andû a Isiraeli makandutagîra makethagîrwa marî maku. Nînakûva cio we, avîcî aku, erîtu aku nîguo matûûre marî menyu. Mûndû wa wonthe wa mûciî waku ûrîa ûkethagîrwa arî mûtheru nîakaarîcaga matega mau.

Ndari 3:6

“Virani andû a mûvîrîga wa Lawi kûrî mûthînjîri-Ngai Aroni nîguo makamûtethagîrîrie.

Gûco 10:8

Vîndî îo, Ngai-Mûnene nîwathuurire andû a mûvîrîga wa Lawi makuuage îthandûkû rîa kîrîkanîro na mamûtungatagîre marî athînjîri-Ngai, na marathimage andû rîîtwarî rîake. Ûguo nîguo mekaga nginya ûmûnthî.

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.

1Pet 2:24

Kristû ke mwene nîwakuuire mevia metû mûtharavarî na njîra ya mwîrî wake. Eekire ûguo nîguo maûndûrî ma wîvia twîkare ta tûrî akuû na tûtûûrage mwoyo maûndûrî ma ûthingu. Mue rîu nîmûvonetue na njîra ya ironda ciake.

Atir 17:12

Mika nîwamûtuire mûthînjîri-Ngai wake na agîtûûra mûciî kwa Mika.