Andû acio nîmacaririe marîîtwa mao mûtaratararî wa methe mao na mationekana. Kwoguo nîmoonirwe matarî atheru na nîmaarutirwe gîkundirî Kîam athînjîri-Ngai.
Kwoguo wata ûrîa mwaki ûvîvagia rûûa na nyaki, nwaguo mîri yao îkoora na maûa mao makaaûma na magûrûkue îgûrû ta rûkûngû; nîûndû nîmaregete watho wa Ngai-Mûnene mwene vinya wonthe, nîmanyararîte maûndû marîa Ûrîa Mûtheru wa Isiraeli athomithanîtie.
Kwoguo Musa nîwaririe na andû a Isiraeli. Nao atongoria ao nîmaamûnengere mûragi ûmwe kuuma kûrî wa mûtongoria wa mûvîrîga. Mîragi yonthe yarî îkûmi na îîrî. Mûragi wa Aroni nîwaigirwe vamwe na mîragi îo.
Rîrîa Musa aathiîre îgemarî rîa gûcemanîrua mûthenya ûcio warûmîrîrîte, nîwamakire ona mûragi wa Aroni, ûrîa warûngamîrîrîte mûvîrîga wa Lawi nîwaumîte mathangû, ûkathundia, ûgatumûra marao na ûgaciara matunda matune ma mûrothi.