Ndari 15:3 - ÎVUKU RÎA ÛVORO MWARO

³ nî mûkaandutîra matega ma kûvîvua ma ndegwa, ndûrûme, ng'ondu kana mbûri, marî matega ma kûngenia. Nwa mûrute matega na njîra ya kwîyendera kana nîûndû wa kûvingia mwîvîtwa kana nîûndû wa mambura marîa mûrutaga ma kîndini. Mûtararûko wa îgongoona rîîrî nî ûngenagia.

Ndari 15:3 ပူးပေါင်းရင်းမြစ်များ

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Ezira 7:17

“Mbeca icio ûgaaitûmîra waro kûgûra ndegwa, ng'ondu na tûtûrûme, irio na ndivei. Indo icio ûkaairuta irî matega metharî ya Ngai-Mûnene ya kîgongoona hekarûrî ya Jerusalemu.

Thaburi 54:6

Nîngaakûrutîra îgongoona na ngoro yakwa yonthe, nîngaagûcokeria ngatho nîûndû nîguo kwagîrîrîte.

Ntha 29:18

Ûcoke ûvîvîrie ndûrûme îo yonthe îgûrû rîa metha ya kîgongoona rîrî îtega rîa kûvîvua rîa Ngai-Mûnene. Naguo mûtararûko wa îtega rîu nîûngenagia nie, Ngai-Mûnene.

Ntha 29:25

Ûgaacoka ûcioce kuuma njararî ciao na ûcigîrîre metharî ya kîgongoona vamwe na ndûrûme ya îtega rîa kûvîvua na ûivîvîrie vo. Mûtararûko wa îtega rîîrî nîûkenagia Ngai-Mûnene.

Ntha 29:41

Rutaga ndûrûme ya kaîrî kîvwaî vamwe na kilo îmwe ya mûtu ûrîa mûvinyu wa ngano, na lita îmwe ya maguta, na lita îmwe ya ndivei wata îrîa ya kîraûko. Mûtararûko wa matega mama nîûkenagia Ngai-Mûnene.

Alawi 10:13

Mûûrîre vandûrî varîa vatheru, nîûndû nî gacunjî gaku mûrî na avîcî aku karîa mwagîrîrwe nî kûrîa kuuma kûrî matega ma kûvîvua marîa marutîrîtwe Ngai-Mûnene. Ûguo nîguo Ngai-Mûnene ambathîte.

Alawi 27:2

“Îra andû a Isiraeli, atî rîrîa mûndû eranîrîte atî nîekûrutîra Ngai-Mûnene mûndû arî îtega nîûndû wa kûvingia mwîvîtwa wa mwanya, mûndû ûcio nwa akûûrwe na njîra ya kûrîva mbeca iringanîte na kîthimi kîrîa gîtîkanîrie.

Alawi 7:16

Ethîrwa mûndû nîaruta îgongoona rîa thayû nîguo avingie mwîvîtwa kana rîrî îtega rîake nîûndû wa kwîyendera, kîndû kîu akaaruta nîgîkaarîwa mûthenya wa ûcio, nakîo kîrîa gîgaatigara nwa kîrîwe mûthenya ûcio wîngî.

Ndari 28:27

Mûkaarutagîra Ngai-Mûnene îtega rîrî na mûtararûko mwaro rîa ndegwa igîrî itarî ngûrû, ndûrûme îmwe, na tûtûrûme mûgwanja twa ûkûrû wa mwaka ûmwe, na cionthe ikethagîrwa itarî na wonje.

Ndari 29:8

Mûkaarutaga matega ma kûvîvua kûrî Ngai-Mûnene marî na mûtararûko mwaro ma: ndegwa îmwe îtarî ngûrû, ndûrûme îmwe na tûtûrûme mûgwanja tûrî na ûkûrû wa mwaka ûmwe, na cionthe ciîthîrwe itarî na wonje.

Ndari 6:15

Nîakaaruta gîkavu gîcûrîte mîgate îtekîrîtwe ndawa ya kwimbia: geki irugîtwe na mûtu mûvinyu ûtukanîtue na maguta ma ndamaiyû, tûmîgate tûceke tûvakîtwe maguta ma ndamaiyû vamwe na matega ma irio cia mûgûnda na matega ma indo cia kûnyuwa.

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

2Akor 2:15

Nîûndû tue twîkariî ta ûbani ûrîa ûnungaga waro ûtegeretwe Ngai nî Kristû. Naguo nîûtambaga gatagatîrî ka arîa maravonokua na arîa maraûra.

2Akor 2:16

Kûrî andû arîa maraûra nî mûtararûko wa gîkuû, nwatî kûrî andû arîa maravonokua, nî mûtararûko wa mwoyo. Nî ûrîkû ûngîvota gwîka maûndû mama?

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

Gûco 12:11

Ngai-Mûnene Ngai wenyu nîakaathuura vandû varîa akaagoocagîrwa. Vau nîvo mûkaamûviragîra kîrîa kîonthe nîmwathîte ta: matega menyu ma kûvîvua, magongoona, icunjî cia îkûmi, matega ma kwîyendera, na indo irîa mwîranîrîte kûrî Ngai-Mûnene.

Gûco 12:17

Mûtikarîe gîcunjî gîa îkûmi Kîam ngano, ndivei, maguta, marikithathi ma ndîthia yenyu ya ng'ombe kana ng'ondu, indo irîa mwîranîrîte, matega ma kwîyendera, kana matega mengî ma mûthemba wa wonthe.

Gûco 12:6

Vau nîvo mûkaaviraga matega menyu ma kûvîvua, magongoona, icunjî cienyu cia îkûmi, mîvothi yenyu, indo irîa mwîranîrîte, matega menyu ma kwîyendera, na marikithathi ma ng'ombe na ng'ondu cienyu.

Afil 4:18

Na rîu nîngîte na indo nyîngî na ngakîrîrîria. Nîrî na indo cia kûmbîgana nîûndû Epafarodito nîwandetere iveo kuuma kûrî mue. Iveo icio ciîkariî ta kîndû kîrî na mûnungo mwaro gîkîrutîrwa Ngai, na ta îgongoona rîa gwîtîkîrîka nîke na rîa kûmûkenia.