Ndari 15:29 - ÎVUKU RÎA ÛVORO MWARO

²⁹ Watho ûyû ûkaarûmagîrîrwa nî andû onthe arîa makeevia matakûmenya, marî andû a Isiraeli kana ageni arîa matûûranagia nao.

Ndari 15:29 ပူးပေါင်းရင်းမြစ်များ

1Atha 8:41

“Na njîra wata îo mûgeni ûtarî wa andû aku a Isiraeli angîûka kuuma vûrûri wa kûraca nîûndû wa rîîtwa rîaku,

Ntha 12:49

Mawatho mama makaarûmagîrîrwa nî mûndû ûrîa ûciarîrîtwe kwa andû a Isiraeli na mûgeni ûrîa ûtûûranîtie namue.”

Alawi 16:29

“Mawatho mama marûmîrîrîte nîmatûûra marûmagîrîrwa nî mue: Mûthenya wa îkûmi mwerirî wa mûgwanja andû a Isiraeli vamwe na ageni arîa matûûranagia nao nwanginya menyerekagie na matikarutage wîra wanarî ûrîkû.

Alawi 17:15

“Mûndû wa wonthe, wana ethîrwa arî Mûisiraeli kana mûgeni, ûrîa ûkaarîa nyama ya nyamû îkuîte mûvûvû kana yûragîtwe nî nyamû cia kîthaka, nwanginya akaathambia nguo ciake, ethambie, na ekare atarî mûtheru nginya kîvwaî. Vuva wa ûguo, nîakaathera.

Alawi 4:2

“Îra andû a Isiraeli atî, mûndû wa wonthe angîvia na atakûmenya aune rîathani wanarî rîmwe rîa mama Ngai-Mûnene athanîte, nwanginya arûmîrîre mawatho mama marûmîrîrîte.

Ndari 15:15

Kwoguo nî mûtûûra mûrûmagîrîra watho ûyû mûrî na ageni arîa mûtûûranagia nao. Mue wana ageni acio mûrî ûndû ûmwe mbere ya Ngai-Mûnene.

Ndari 15:28

Nake mûthînjîri-Ngai nîakaarutîra Ngai-Mûnene îgongoona rîa kûtheria mevia, nîûndû wa mûndû ûcio wîvîtie atakûmenya na mûndû ûcio nî akooverwa mevia make.

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Ndari 9:14

“Ethîrwa kûrî mûgeni ûtûûrîte kwenyu na nwa ende gûkûngûîra Pasaka ya Ngai-Mûnene nwanginya amîkûngûîre kûringana na ûrîa watho wa Pasaka uugîte. Kwoguo gûkaarûmagîrîrwa watho ûmwe nî mue wana ageni.”

Luka 12:48

Nwatî ndungata îrîa îtaicî ûrîa mwathi wayo endaga na îkaga ûndû ûrîa ûngîtûma îverithue, nîkaavewa îvera rîa kûrivwa vanini na kîvoko. Mûndû ûrîa wîvoketwe na indo nyîngî nîageetua indo nyîngî; na ûrîa nake wîvoketwe na nyîngî makîria, nîageetua nyîngî makîria.

Josh 8:33

Andû a Isiraeli marî vamwe na athuuri, anene na atongoria ao na ageni arîa maarî nao nîmaarûngamire mîenarî yoîrî ya îthandûkû rîa kîrîkanîro mbere ya athînjîri-Ngai a Alawi arîa maarîkuîte. Nuthu yao maarûngamîte mbere ya kîrîma Kîam Gerizimu na nuthu îngî îkarûngama mbere ya kîrîma Kîam Ebali. Ûguo nîguo Musa ndungata ya Ngai-Mûnene amaathire mageeka rîrîa kavinda gagaakinya ga kwamûkîra kîrathimo.