Ndari 15:20 - ÎVUKU RÎA ÛVORO MWARO

²⁰ Mwaruga mîgate, mûkaavecaga Ngai-Mûnene mûgate wa mbere kuuma maketharî ma irio cienyu cia mbere rîrî îtega.

Ndari 15:20 ပူးပေါင်းရင်းမြစ်များ

Nehemia 10:37

Wana tûkaarutaga mûtu ûthîîtwe kuuma maketharî ma mbere ma irio cia mîgûnda yetû mwaka wa mwaka, na matega mengî, ndivei na maguta, na matunda ma mîtî ya mîthemba yonthe ivirîrwe mûthînjîri-Ngai tûnyombarî twa hekarû. Tûkaviragîra Alawi matega ma mîgûnda yetû, nîûndû nîo maûnganagia gîcunjî gîa îkûmi Kîam maketha ma mîgûnda yetû icagirî cietû.

Ntha 23:19

“Retageni nyombarî ya Ngai-Mûnene, Ngai wenyu maketha marîa maro ma mbere ma irio cia mîgûnda yenyu. “Ndûkaruge koori ka mbûri kana ka ng'ondu na îriia rîa ng'ina.

Ntha 34:26

“Mwaka wa mwaka mûretage nyombarî ya Ngai-Mûnene irio cia mbere cia maketha ma mîgûnda. “Mûtikaaruge koori ka mbûri kana kagondu na îria rîa ng'ina.”

Ezek 44:30

Maketha ma mbere marîa maro mûno na indo irîa mbaro mûno cia matega menyu irîa mûndutagîra ikaavecagwa athînjîri-Ngai. Vîndî cionthe rîrîa mwakanda mûgate, mûgate wa mbere ûkaavecagwa athînjîri-Ngai rîrî îtega nanie ngarathimaga mîciî yenyu.

Alawi 2:12

Nwa ûrutîre Ngai-Mûnene indo icio irî îtega rîa maketha maku ma mbere, nwatî itîkaavîvîrua îgûrû rîa metha ya kîgongoona.

Alawi 2:14

Rîrîa ûkûrutîra Ngai-Mûnene îtega rîa maketha maku ma mbere, ûrutage irio cia mûgûnda irî mbokie, kana mûtu ûthîîtwe wa ngano.

Alawi 23:10

“Vîndî îrîa mûgaakinya vûrûrirî ûrîa Nie Ngai-Mûnene ngûmûva na mûkethe maketha ma kuo, mûkaavirîra mûthînjîri-Ngai gîkûmbwa kîmwe kuuma kûrî maketha menyu ma mbere.

Alawi 23:20

Mûthînjîri-Ngai nîakaarutîra Ngai-Mûnene indo icio vamwe na mûgate wa maketha ma mbere ma mwaka na tûtûrûme tûu twîrî irî kîveo Kîam mwanya Kîam athînjîri-Ngai. Matega mau nî matheru.

Ndari 15:21

Njiarwa cienyu cionthe nîitûûra indutagîra îtega rîîrî.

Ndari 18:12

“Nînakûva matega monthe maro marîa andû a Isiraeli makaandutagîra wa mwaka. Namo nî: maguta ma ndamaiyû, ndivei na irio cia mîgûnda.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Aroma 11:16

Ethîrwa kîenyûa Kîam mûgate kîrutîrîtwe Ngai nî kîtheru, mûgate wonthe nî mûtheru. Ethîrwa mîri ya mûtî îrutîrîtwe Ngai nî mîtheru, wana mvûa nî ntheru.

1Akor 15:20

Nwatî ûma nî atî Kristû nîariûkîtue na agatuîka kîonereria gîa atî arîa makuîte wa nao nîmakaariûkua.

Gûco 14:22

“Rutagani gîcunjî gîa îkûmi Kîam irio cia mîgûnda yenyu wa mwaka.

Gûco 14:23

Thiîcagani vandû varîa Ngai-Mûnene Ngai wenyu akaathuura va kûgoocagîrwa na mûrîcagîre gîcunjî kîu gîa îkûmi Kîam ngano, ndivei, maguta ma ndamaiyû na marikithathi ma ng'ombe na ma ng'ondu cienyu mûrî vau mbere yake. Îkagani ûguo nîguo mwîrute gûtîîaga Ngai-Mûnene Ngai wenyu vîndî cionthe.

Gûco 16:13

“Mwarîkia kûvûûra ngano cienyu cionthe na kûviva thavibu, kûngûagîrani kîrugo gîa tûnyomba îvinda rîa mîthenya mûgwanja.

Jakuvu 1:18

Ngai nîke wendire tûgîe kuo na njîra ya kiugo Kîam ma, nîguo tûtuîke a vata gatagatîrî ga ciûmbe ciake cionthe.

Kûguû 14:4

Andû acio nî arîa mataanamenyana kîîmwîrî na aka; o nî athingu. Marûmagîrîra Gatûrûme kûrîa kuonthe akûthiî. Ngai nî amakûûrîte kuuma kûrî andû acio engî, na nîmaatuîkîte maciaro ma mbere kûvecanwa kûrî Ngai na kûrî Gatûrûme.