Ndari 15:15 - ÎVUKU RÎA ÛVORO MWARO

¹⁵ Kwoguo nî mûtûûra mûrûmagîrîra watho ûyû mûrî na ageni arîa mûtûûranagia nao. Mue wana ageni acio mûrî ûndû ûmwe mbere ya Ngai-Mûnene.

Ndari 15:15 ပူးပေါင်းရင်းမြစ်များ

Esita 9:27

Ayahudi nîmaavîtûkirie ûndû ûyû ûrî watho kûrî o, njiarwa ciao na arîa onthe magatuîka Ayahudi atî mwaka wa mwaka kavinda karîa kagîrîrîte, mîthenya îo îîrî îkûngûagîrwe kûringana na watho wa Moridekai.

Ntha 12:14

Ririkanagani mûthenya ûyû na mûgîcage na kîrugo gîa gûkûngûîra ûrîa, Nie Ngai-Mûnene nîmwîkîte. Nwanginya mûririkanage ûndû ûcio mîaka yonthe.”

Ntha 12:24

Mue vamwe na ciana cienyu nwanginya mûkaarûmîrîra mawatho mama vîndî cionthe.

Ntha 12:43

Ngai-Mûnene nîwerire Musa na Aroni atîrî, “Mama nîmo mawatho ma pasaka: Gûtirî mûgeni ûkaarîa irio cia pasaka,

Ntha 12:49

Mawatho mama makaarûmagîrîrwa nî mûndû ûrîa ûciarîrîtwe kwa andû a Isiraeli na mûgeni ûrîa ûtûûranîtie namue.”

Ntha 28:43

Aroni na avîcî nwanginya mekagîre nguo icio vîndî cionthe rîrîa magûtonya îgemarî rîa Ngai-Mûnene, kana rîrîa magûkuvîvîria metha ya kîgongoona gûtungata vandû varîa vatheru nîguo matigaakue. Ûyû nîûtuîka watho kûrî Aroni na njiarwa ciake irîa igaaûka vuva wake.

Alawi 24:22

Watho ûyû nî wenyu muonthe, Aisiraeli wana ageni arîa mûtûûranagia nao, nîûndû Nie nînie Ngai-Mûnene, Ngai wenyu.”

Ndari 10:8

Tûrumbeta tûu tûkaavuvagwa nî avîcî a Aroni, athînjîri-Ngai. “Watho ûyû nîûtûûra ûrûmagîrîrwa nî njiarwa cienyu cionthe.

Ndari 15:14

Ethîrwa ageni arîa mûtûûranagia nao kana mûgeni wa wonthe ararîrîrîte kwenyu nî makwenda kûruta matega ma kûvîvua marî mûtararûko wa gûkenia Ngai-Mûnene, wanao magekaga wa tamue.

Ndari 15:29

Watho ûyû ûkaarûmagîrîrwa nî andû onthe arîa makeevia matakûmenya, marî andû a Isiraeli kana ageni arîa matûûranagia nao.

Ndari 18:8

Ngai-Mûnene nîwerire Aroni atîrî, “Nînakûva we vamwe na njiarwa ciaku matega monthe marîa ndutîrîtwe nî andû a Isiraeli. Nînamûva indo icio cionthe irî gîcunjî kîenyu na nîitûûra irî cienyu.

Ndari 9:14

“Ethîrwa kûrî mûgeni ûtûûrîte kwenyu na nwa ende gûkûngûîra Pasaka ya Ngai-Mûnene nwanginya amîkûngûîre kûringana na ûrîa watho wa Pasaka uugîte. Kwoguo gûkaarûmagîrîrwa watho ûmwe nî mue wana ageni.”

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Josh 8:33

Andû a Isiraeli marî vamwe na athuuri, anene na atongoria ao na ageni arîa maarî nao nîmaarûngamire mîenarî yoîrî ya îthandûkû rîa kîrîkanîro mbere ya athînjîri-Ngai a Alawi arîa maarîkuîte. Nuthu yao maarûngamîte mbere ya kîrîma Kîam Gerizimu na nuthu îngî îkarûngama mbere ya kîrîma Kîam Ebali. Ûguo nîguo Musa ndungata ya Ngai-Mûnene amaathire mageeka rîrîa kavinda gagaakinya ga kwamûkîra kîrathimo.

1Sam 30:25

Daudi nîwatuire ûndû ûcio watho wa kûrûmîrîrwa kûu Isiraeli kuuma mûthenya ûcio.