Ndari 14:40 - ÎVUKU RÎA ÛVORO MWARO

⁴⁰ Mûthenya ûcio warûmîrîrîte kîraûko tene, nîmaaûkîrire makîthiî kûthithûkîra vûrûri ûcio ûrî irîma. Nao maaugire atîrî, “Nîtwetîkîra atî tûrî eviu; kwoguo nîtûkûthiî vûrûrirî ûrîa Ngai-Mûnene aatwîrîre.”

Ndari 14:40 ပူးပေါင်းရင်းမြစ်များ

Mûvunjia 9:3

Ûyû nî ûndû mûcûku mûno gatagatî ka marîa monthe mekîkaga gûkû nthî atî, mûrigîrîrio wa andû onthe nî ûmwe. Andû methagîrwa mecûrîtwe nî maûndû macûku na ûgûrûki na mûthiiarî magakua.

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Ndari 22:34

Balaamu nîwacokire akîra mûraika ûcio wa Ngai-Mûnene atîrî, “Nînjîvîtie, Ndiraicî atî ûrûngamîte njîrarî ûmvingîrîrie ndikavîtûke. Kwoguo ethîrwa ndûrona kwagîrîrîte nthiî na mbere na rûgendo rûrû, nîngûcoka mûciî.”

Luka 13:25

Kavinda nîgagaakinya karîa mwene nyomba agaaûkîra na avinge mûrango. Namue nîmûgaacoka mûke na mwambîrîrie kûringaringa mûrango mûkiugaga atîrî, ‘Mwathani! Tûvingûrîre.’ Nake Mwathani nîakaamûcokeria atîrî, ‘Nie ndiîcî mumîte na kû!’

Gûco 1:41

“Namue nîmwanjokerie atî, ‘Tue tûrî eviu mbere ya Ngai-Mûnene. Nwatî rîu nîtûkûthiî kûrûa wata ûrîa Ngai-Mûnene, Ngai wetû aatwathire.’ Kwoguo muonthe nîmwevarîrie kûthiî kûrûa, mûgîîciragia atî warî ûndû mûvûthû kûtharîkîra vûrûri ûcio ûrî irîma.

Gûco 1:43

Nînaamwîrire ûrîa Ngai-Mûnene aaugîte, nwatî mûkîrega kwîgua. Nîmwareganire nake na mûkîthiî vûrûri ûcio ûrî irîma nîûndû wa mwîtîîo wenyu.