Ndari 14:24 - ÎVUKU RÎA ÛVORO MWARO

²⁴ Nwatî nîûndû ndungata yakwa Kalebu aarî na roho ngûrani na arîa engî ûrîa wamûgucagia na eethîrîtwe akîmbathîkîra, nîngaatûma akinye vûrûrirî ûrîa aathiganire, na njiarwa ciake nîikegwatîra vûrûri ûcio ûtuîke wao.

Ndari 14:24 ပူးပေါင်းရင်းမြစ်များ

1Maû 29:18

Ngai-Mûnene, Ngai wa methe metû ma tene, Iburahimu, Isaka na Jakovu, tûma wendi ûyû ûtûûre ngororî cia andû aku tene na tene na ûtûme vîndî cionthe mekarage makwîvokete.

1Maû 29:9

Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

2Maû 25:2

Amazia nîwekire maûndû marîa maakenagia Ngai-Mûnene, nwatî ndaamekaga na ngoro yonthe.

Thaburi 119:145

Nînîragûkaîra na ngoro yakwa yonthe; mbîtîka we Ngai-Mûnene na nîngwathîkîra mawatho maku!

Thaburi 119:80

Tûma ngoro yakwa yathîkagîre mawatho maku, nîguo ndigaconorithue.

Nthi 23:26

Mwana wakwa, nthikîrîria, na ûrûmîrîre mîthiîre yakwa.

Ndari 13:30

Kalebu nîwakiririe andû arîa maanegenaga marî mbere ya Musa. Nîwamerire atîrî, “Tue tûrî na vinya wa kûvoota andû arîa marî vûrûrirî ûcio. Kwoguo tûthiîni tûûtharîkîre rîu na tûwoce ûtuîke wetû.”

Ndari 14:30

Gûtirî mûndû wanarî ûmwe wenyu ûgaatonya vûrûri ûrîa neranîre atî nî ngaamûva, tiga Kalebu mûvîcî wa Jefune na Joshua mûvîcî wa Nuni.

Ndari 26:65

Ngai-Mûnene aarî mugu atî onthe magaakuîra werûrî. Gûtirî mûndû wanarî ûmwe gatagatîrî kao watigarire tiga Kalebu mûvîcî wa Jefune na Joshua mûvîcî wa Nuni.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Aefeso 6:6

Tigagani gwîkaga ûguo tu wa rîrîa mamûroretie atî nîûndû wa kwenda kwîyendithia kûrî o. Nwatî mûrî ta ngombo cia Kristû, vingagiani wendi wa Ngai mûkîvûthagîra vinya wonthe wenyu.

Gûco 1:36

Kalebu mûvîcî wa Jefune, nîke wenga tu ûgaatonya vûrûrirî ûcio. Ke ethîrîtwe arî mwîvokeku kûrî nie na nîngaamûva wa vamwe na njiarwa ciake vûrûri ûcio aathiganire.’

Gûco 6:5

Endani Ngai-Mûnene, Ngai wenyu na ngoro yonthe na mwoyo wonthe, na vinya wenyu wonthe.

Akol 3:23

Ûndû wa wonthe ûrîa mûgekaga, wîkageni na wendi takwa mûrarutîra Mwathani wîra nwatî tî andû.