Ndari 14:10 - ÎVUKU RÎA ÛVORO MWARO

¹⁰ Nwatî andû onthe a Isiraeli nîmeendire kûûraga Joshua na Kalebu na mathiga. Wa rîmwe Ngai-Mûnene nîwaumîrîre andû onthe a Isiraeli na riiri mûnene ûrîa moonire ûrî îgûrû rîa îgema rîa Ngai-Mûnene.

Ndari 14:10 ပူးပေါင်းရင်းမြစ်များ

Ntha 16:10

Na rîrîa Aroni aaragîria andû onthe a Isiraeli, nîmaagarûrûkire onthe makîroria werûrî, na wa rîmwe riiri wa Ngai-Mûnene nîwaumîrire ûrî îtuurî.

Ntha 16:7

Na kîraûko nîmûkoona riiri wa Ngai-Mûnene nîûndû ke nîeguîte mûkîmûtetia. Tue tûrî a, atî nîguo mûtûtetie?”

Ntha 17:4

Kwoguo Musa nîwathaithire Ngai-Mûnene akîmwîra atîrî, “Nîmbîka andû aya atîa? Rîu marî vakuvî kûndiva na mathiga.”

Ntha 40:34

Îtu nîrîacokire rîgîkunîkîra îgema rîa Ngai-Mûnene, naguo riiri wa Ngai-Mûnene ûgîcûra kuo.

Alawi 9:23

Musa na Aroni nîmaatonyire îgemarî rîa Ngai-Mûnene, na rîrîa maaumire kuo, nîmaarathimire andû naguo riiri wa Ngai-Mûnene nîwaumîrîre andû onthe.

Ndari 16:19

Kora nîwetire arûmîrîri ake onthe arîa maareganîte na Musa na Aroni na makîrûngama mûromorî wa îgema rîa Ngai-Mûnene. Naguo riiri wa Ngai-Mûnene nîwaumîrîre andû acio onthe.

Ndari 16:42

Na vîndî îo andû a Isiraeli maagomanîte makîreganaga na Musa na Aroni, nîmaavûgûkîre îgema rîa Ngai-Mûnene na makîona rîkunîkîrîtwe nî îtu. Naguo riiri wa Ngai-Mûnene nîwaumîrire.

Ndari 17:7

Musa nîwacokire akiga mîragi îo mbere ya Ngai-Mûnene kûu îgemarî rîa gûcemanîrua.

Ndari 20:6

Musa na Aroni nîmaathengutîre andû na makîthiî makîrûngama mûromorî wa îgema rîa Ngai-Mûnene. Nîmaaturumithirie mothiû mao nthî, naguo riiri wa Ngai-Mûnene ûkîmaumîrîra.

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

Ciîko 7:59

Na rîrîa maarivaga Stefano na mathiga, Stefano nîwavoire akiuga atîrî, “Mwathani Jesû amûkîra roho wakwa!”

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.