Ndari 13:32 - ÎVUKU RÎA ÛVORO MWARO

³² Kwoguo athigani acio nîmaavenirie andû a Isiraeli ûvoro wîgiî vûrûri ûcio maathiîte kûthigana rîrîa maaugire atîrî, “Vûrûri ûrîa tûthiûrûrûkîte tûkîûthigana nî mûgînju mûno wana ndwîganagîria andû a guo irio. Nao andû onthe arîa twonire maarî araca na anene mûno.

Ndari 13:32 ပူးပေါင်းရင်းမြစ်များ

2Sam 21:20

Nîgwacokire gûkîgîa na mbaara rîngî kûu Gathu, kûrîa kwarî na mûndû ûmwe mûnene mûno na wendeete kûrûa mûno. Wa njara îmwe ya mûndû ûcio yarî na ciara ithathatû. Nakuo wa kûgûrû kûmwe gwake kwarî na ciara ithathatû.

1Maû 20:6

Mbaara îngî nîyagîre kuo Gathu vîndî kwarî na mûndû mûnene mûno warî na njara yarî na ciara ithathatû wa njara. Namo magûrû, wa kûgûrû kwarî na ciara ithathatû. Cionthe ciarî ciara mîrongo îîrî na inya (24) na aarî wa njiarwa cia andû a tene arîa maarî anene mûno.

Thaburi 106:24

Nîmaacokire makînyarara vûrûri ûcio mwaro, nîûndû matietîkia ûrîa Ngai aamerîrîte.

Ezek 36:12

Nîngaatûma andû akwa a Isiraeli maûke na matûûre vûrûri ûyû na mawîgwatîre ûtuîke wao na ndûgaatûma ciana ciao ikua rîngî.

Amosi 2:10

Nînacokire ngîmûruta vûrûri wa Misiri, ngîmûtongoria werûrî mîaka mîrongo îna, nîguo mûkegwatîre vûrûri wa Amori.

Amosi 2:9

“Kûnarî ûguo, mue andû akwa, nînathiririe Aamori viû nîûndû wenyu, arîa maaracavîte ta mîtarakwe, na maarî na vinya ta mîtî ya mîvuru, na nînacûkangirie mvûa vamwe na mîri.

Ndari 13:28

Nwatî andû arîa matûûraga vûrûrirî ûcio nî anene mûno na matûûra ma kuo nî mairigîre na nthingo cia vinya, na nî manene mûno. Makîria ya ûguo, nîtwonire njiarwa cia Anaki kuo.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Gûco 1:28

Tûngîthiî kûu nîkî? Tue nî tûretigîra. Andû arîa twatûmire makathigane, maatwîrire atî vûrûri ûcio ûrî na andû araca na marî na vinya gûtûkîra, na andû acio matûûraga matûûrarî manene marî mairigîre na nthingo ikinyîte îgûrû matuurî, na nîmoonire avîcî a Anaki kuo arîa megana ta marimû!’