Ndari 13:31 - ÎVUKU RÎA ÛVORO MWARO

³¹ Nwatî andû arîa maathiîcanîtie na Kalebu nîmaaugire atîrî, “Naarî tûtingîvota kûthiî kûrûa na andû acio nîûndû marî na vinya gûtûkîra.”

Ndari 13:31 ပူးပေါင်းရင်းမြစ်များ

Ndari 13:30

Kalebu nîwakiririe andû arîa maanegenaga marî mbere ya Musa. Nîwamerire atîrî, “Tue tûrî na vinya wa kûvoota andû arîa marî vûrûrirî ûcio. Kwoguo tûthiîni tûûtharîkîre rîu na tûwoce ûtuîke wetû.”

Ndari 32:7

Mûraûraga andû enyu a Isiraeli ngoro nîkî mûkîrega kûthiî vûrûri ûrîa mwaveerwe nî Ngai-Mûnene?

Ndari 32:9

Maathiîre nginya Kîamndarî Kîam Eshikoli, na makîona vûrûri. Nwatî rîrîa maacokire, nîmaaûragire andû a Isiraeli ngoro nîguo maremwe nî kûthiî vûrûrirî ûrîa maavetwe nî Ngai-Mûnene.

Gûco 1:28

Tûngîthiî kûu nîkî? Tue nî tûretigîra. Andû arîa twatûmire makathigane, maatwîrire atî vûrûri ûcio ûrî na andû araca na marî na vinya gûtûkîra, na andû acio matûûraga matûûrarî manene marî mairigîre na nthingo ikinyîte îgûrû matuurî, na nîmoonire avîcî a Anaki kuo arîa megana ta marimû!’

Gûco 9:1

“Tathikîrîriani, mue andû a Isiraeli! Ûmûnthî mûrî vakuvî kûringa Jorodani mûkegwatîre mavûrûri manene na marî na vinya kûrî mue. Matûûra ma mavûrûri mau nî manene na nîmaairigîre na nthingo nginya matuurî.

Ahib 3:19

Kwoguo nîtûrona atî matiavota gûtonya vûrûri ûcio nîûndû matietîkia.

Josh 14:8

Nwatî andû arîa naathiîcanirie nao nîmaatûmire andû etû metigîre. Nwatî nie nînathîkîre Ngai-Mûnene, Ngai wakwa nîrî na wîvokeku.

1Sam 17:33

Nake Saûlo nîwacokerie Daudi atîrî, “Naarî, we ndûngîvota kûrûa na Mûfilisiti ûyû nîûndû we wî kavîcî kanini, na mûndû ûyû ethîrîtwe akîrûa mbaara kuuma vîndî îrîa aarî kavîcî kanini.”