Ndari 13:29 - ÎVUKU RÎA ÛVORO MWARO

²⁹ Amaleki matûûraga Negebu. Nao Ahiti, Ajebusi, na Amori matûûraga vûrûri ûrîa ûrî irîma. Nao Akanaani matûûraga vakuvî na îria rîa Mediterania na ndeererî cia rûnjî rwa Jorodani.”

Ndari 13:29 ပူးပေါင်းရင်းမြစ်များ

Kîam 14:7

Kedorilaomeri nîmaacokire makîgarûrûka magîcoka Kadeshi (îrîa yetagwa Enimishipati). Nao nîmaavootire vûrûri wonthe wa Amaleki, na wa Amori arîa maatûûraga Hazazonitamaru.

Nehemia 9:8

Nîwonire atî ke nîwakwîvokete, na ûkîthondeka kîrîkanîro nake. Nîwamwîrire atî nî ûkaamûva vûrûri wa Kanaani, vûrûri wa Aperizi, na wa Ajebusi, wana vûrûri wa Agirigashi. Wonthe ûgîtuîka vûrûri ûrîa njiarwa ciaku igaatûûra. Nîûndû we ûrî mwîvokeku, nîwavingirie kîîranîro kîu.

Thaburi 83:7

andû a Gebali, Amoni na Amaleki, andû a Filisiti na andû a Turo.

Ntha 3:17

na nînduîte atî nîngûmaruta vûrûri wa Misiri kûu matûûraga na mathîna nîmavire vûrûri wîcûrîte ûûkî na îria. Vûrûri ûcio nîguo ûtûûragwa nî andû Akanaani, Ahiti, Amori, Aperizi, Ahivi na Ajebusi.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Ndari 13:17

Rîrîa Musa aamatûmire makathigane vûrûri wa Kanaani, nîwamerire atîrî, “Unûkîrîriani vûrûrirî wa Negebu mûthiî vûrûrirî ûrîa ûrî irîma.

Ndari 13:30

Kalebu nîwakiririe andû arîa maanegenaga marî mbere ya Musa. Nîwamerire atîrî, “Tue tûrî na vinya wa kûvoota andû arîa marî vûrûrirî ûcio. Kwoguo tûthiîni tûûtharîkîre rîu na tûwoce ûtuîke wetû.”

Ndari 14:25

Kûu ciandarî icio nîkuo Amaleki na Akanaani matûûraga. Kwoguo rûyû nîmûkaagarûrûka mûthiî werûrî na njîra îrîa îthiîte Îria Îtune.”

Ndari 14:43

Amaleki na Akanaani nîmakaarûa namue na mamûûrage, nîûndû nîmûregete kwathîkîra Ngai-Mûnene. Ke tîethîrwa arî vamwe namue nîûndû nîmûregete kwathîkîra Ngai-Mûnene.”

Ndari 14:45

Nao Amaleki na Akanaani arîa maatûûraga vûrûrirî ûcio nîmaamatharîkîre makîmavoota na makîmavinyûria nginya Horima.

Ndari 24:20

Balaamu nîwacokire akîona Amaleki kîonekirî gîake na akîratha atîrî, “Vûrûri wa Amaleki nîguo warî vinya mûno gûkîra mavûrûri marîa mengî, nwatî mûthiiarî nî ûkaathira viû.”

Gûco 20:17

Nîmûkaaûraga andû onthe viû. Nao nî: Ahiti, Amori, Akanaani, Aperizi, Ahivi na Ajebusi wata ûrîa Ngai-Mûnene Ngai wenyu athanîte.

Gûco 7:1

“Rîrîa Ngai-Mûnene, Ngai wenyu akaamûkinyia vûrûrirî ûrîa mûkegwatîra ûtuîke wenyu, nîakengata andû a mavûrûri mûgwanja arîa marî vinya kûrî mue maume kuo. Namo nî: Ahiti, Agirigashi, Amori, Akanaani, Aperizi, Ahivi na Ajebusi.

Josh 10:5

Nao athamaki acio ana a Amori na mûthamaki wa Jerusalemu nîmaanyitanîre vamwe, nao athigari ao nîmaathiûrûrûkîrie îtûûra rîa Gibeoni na makîrîtharîkîra.

Josh 10:6

Nao andû a Gibeoni nîmaatûmanire kûrî Joshua arî Giligali kûrîa maambîte magema na makîmwîra atîrî, “Mwathi wetû ndûgatûtiganîrie! Tûtethie na ûtûvonokie nîûndû athamaki onthe a Amori arîa matûûraga vûrûrirî ûrîa ûrî irîma nîmanyitanîrîte na nîmatûtharîkîrîte!”

Josh 3:10

na nîmûkûmenya atî Ngai ûrîa ûtûûraga mwoyo arî vamwe namue nîûndû vîndî îrîa mûkaambîrîria gûtonya vûrûrirî ûcio nîakeengata andû a Kanaani, Ahiti, Ahivi, Aperizi, na Agirigashi, na avinyûrie Amori, na Ajebusi.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

Josh 9:1

Ûvootani wa andû a Isiraeli nîwamenyirwe nî athamaki onthe arîa maarî mwena wa îthûîro wa Jorodani, mavûrûri marîa maarî irîmarî, ciandarî na arîa maarî rûtererî rwa îria rîa Mediterania nginya mwena wa rûgûrû wa Lebanoni. Acio onthe maarî: mûthamaki wa Ahiti, Amori, Akanaani, Aperizi, Ahivi na wa Jebusi.

Atir 3:5

Kwoguo Aisiraeli nîmaatûûranirie na Akanaani, Ahiti, Amori, Aperizi, Ahivi na Ajebusi.

Atir 6:3

Vîndî cionthe Aisiraeli mangîavandire mbeû, andû a Midiani na Amaleki vamwe na andû arîa maatûûraga werûrî mwena wa îrathîro nîmaathiîcaga na makamatharîkîra.

1Sam 14:48

Nake nîwarûire na ûcamba na akîvoota andû a Amaleki, na akîvonokia andû a Isiraeli kuuma kûrî nthû ciake irîa ciatavîte indo ciao.

1Sam 27:8

Kavindarî kau, Daudi na andû ake nîmaatharîkîre andû a Geshuri, Agirizi na Amaleki, arîa maatûûraga kuuma tene vûrûrirî ûrîa umîte Shuri nginya Misiri.

1Sam 30:1

Vuva wa mîthenya îthatû, Daudi marî na andû ake nîmaacokire Zikilagi. Nao Amaleki nîmaatharîkîrîte mwena wa îveti wa Juda na makavoota îtûûra rîa Zikilagi na nîmaarîvîvîtie

1Sam 7:14

Namo matûûra monthe ma Isiraeli marîa maatavîtwe nî Afilisiti, kwambîrîria Ekironi nginya Gathu magîcokerua Aisiraeli. Kwoguo Aisiraeli nîmoocire rîngî mavûrûri marîa maatavîtwe nî Afilisiti. Nakuo gûkîthîrwa kûrî na thayû gatagatîrî ka Aisiraeli na Aamori.