Ndari 12:6 - ÎVUKU RÎA ÛVORO MWARO

⁶ Ngai-Mûnene, nîwamerire atîrî, “Tanthikîrîriani! Rîrîa kûrî na arathi gatagatîrî kenyu, nie nîîmenyithanagia kûrî o na njîra ya cioneki na ngamarîria na njîra ya iroto.

Ndari 12:6 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

Kîam 20:7

Nwatî rîu, cokia mûndûmûka ûyû kûrî mûthuuriwe. Mûthuuri ûcio wake nî mûrathi, na nîagûkûvoera nîguo ndûgaakue. Nwatî ethîrwa tîûmûcokia, nîrakwîra nama atî we nîûgûkua vamwe na andû aku onthe.”

Kîam 28:12

Nîwarotire akîona ngathî yumîte nthî îgakinya îgûrû na araika makaunûkagia na makanyûrûrûkaga nayo.

Kîam 28:16

Jakovu nîwaramûkire na akiuga atîrî, “Nama Ngai-Mûnene arî ava, na ndiraicî!”

Kîam 37:5

Vîndî îmwe Josefu nîwarotire, na rîrîa eerire aa mûrwang'ina ûvoro wa kîroto kîu, nîmaamûmenire mûno makîria.

Kîam 37:9

Josefu nîwarotire rîngî na akîra aa mûrwang'ina atîrî, “Nînîrarotire kîroto kîngî, na nona riûa, mweri na njata îkûmi na îmwe ciînamîrîrîte mbere yakwa.”

Kîam 46:2

Ûtukû, Ngai nîwarîrie Jakovu na njîra ya kîoneki na akîmwîra atîrî, “Jakovu, Jakovu!” Nake Jakovu nîwacokirie atîrî, “Îî, nîrî ava.”

2Sam 7:4

Nwatî ûtukû wa ûcio Ngai-Mûnene nîwerire Nathani atîrî,

1Atha 3:15

Solomoni nîwaramûkire na akîmenya atî nî Ngai wamwaragîria na njîra ya kîroto. Nîwacokire akîthiî Jerusalemu na akîrûngama vau mbere ya îthandûkû rîa kîrîkanîro Kîam Ngai-Mûnene. Nîwarutire matega ma kûvîvua na ma thayû na akîrûthîra ndungata ciake cionthe kîrugo.

1Atha 3:5

Ûtukû wa mûthenya ûcio Ngai-Mûnene nîwaumîrîre Solomoni na njîra ya kîroto na akîmwîra atîrî, “Mbîtia kîrîa ûkwenda na nîngûkûva.”

Ayubu 33:15

Ngai aragîria andû na njîra ya iroto na cioneki, ûtukû rîrîa mamamiî toro mûnene.

Ayubu 4:13

Ta ûrîa kîroto kîthînagia mûndû, mûgambo ûcio nîwandere toro.

Thaburi 105:15

Ameera atîrî, “Mûtikavutie andû arîa nyamûrîte, mûtigeke arathi akwa ûndû mûcûku.”

Thaburi 89:19

Vîndî ya tene we nîwarîrie ndungata ciaku irîa ikwîvokete na njîra ya kîoneki ûkiuga atîrî, “Nie nîmveete mûndû ûmwe njamba vinya, nîmûthuurîte kuuma gatagatî ka andû na ngamûva gîtî Kîam ûthamaki.

Ntha 7:1

Ngai-Mûnene nîwerire Musa atîrî, “Nie nîngûtua ta ûrî Ngai varî mûthamaki. Nake Aroni mûrwanyûkwe nîakaarîria mûthamaki ta arî mûrathi waku.

Jeremia 23:25

Nîmbîguîte maûndû ma maveeni marîa arathi arîa maaragia maveeni marîtie mambîgiî na njîra ya rîîtwa rîakwa makiugaga atî, ‘Nîrîmûrotu! Nîrîmûrotu!’

Jeremia 23:28

Mûrathi ûrîa ûrotete nîavecane ûvoro wa kîroto gîake, nwatî mûrathi ûrîa ûrî na ndûmîrîri yakwa nîamîvecane na wîvokeku. Nie Ngai-Mûnene nîrauga atîrî, ‘Ngano tî ûndû ûmwe na rûûa.’

Ezek 1:1

Mûthenya wa gatano mweri wa kana mwaka wa mîrongo îthatû, nie mûthînjîri-Ngai Ezekieli mûvîcî wa Buzi, twatûûraga vamwe na Ayahudi arîa maarî îthamîriorî kûu Babuloni rûtererî rwa rûnjî rwa Kebari. Nîrî kûu nînonire îtu rîavingûka na ngîona kîoneki Kîam Ngai.

Danieli 10:8

Kwoguo natigirwe nienga, ngîonaga kîoneki kîu Kîam magegania. Ndîarî wanarî kavinya gatigaru, naguo ûthiû wakwa nîwagarûrûkire mûno ûndû gûtarî mûndû ûngîamenyire.

Danieli 2:19

Ûtukû wa ûcio Ngai nîwaguûrîrie Danieli nthitho îo na njîra ya kîoneki. Nake nîwagoocire Ngai wa îgûrû,

Danieli 7:1

Mwaka wa mbere Belishazaru arî Mûthamaki wa Babuloni, Danieli arî toro nîwarotire na akîona kîoneki. Nîwacokire akîandîka kîroto kîu gîake.

Danieli 8:2

Na njîra ya kîoneki kîu nîneyonire nîrî Susa, îtûûra rînene rîa vûrûri wa Elamu. Noonire nûngamîte rûtere rwa Rûnjî rwa Ulai.

Hosea 12:11

Nwatî Gileadi gwîcûrîte evia arîa magocaga ngai cia maveeni, na kûu Gileadi marutaga magongoona ma ndegwa, kwoguo metha ciao cia magongoona cigîtwe mûvari ta irûndo cia mathiga, mîtarorî ya mîgûnda mîrîme.

Joeli 3:1

Ngai-Mûnene arauga atîrî, “Vîndî îo nîngaatûma Juda na Jerusalemu kûgacîre rîngî.

Zakaria 1:8

“Ûtukû nîronire kîoneki Kîam mûndû athiîte ekarîrîte mbarathi ndune. Mûndû ûcio aarûngamîte gatagatî ka mîtî ya mîandathi vandû Kîamndarî. Vuva wake kwarî na mbarathi ciîngî, îmwe yarî ndune, îngî nthitu, na îngî ya rangi mûcerû.”

Ndari 24:4

Ûyû nî ûrathi wa mûndû wîgucaga mûgambo wa Ngai, mûndû wonaga cioneki cia Ngai Mwene Vinya, mûndû wîgwîthagia nthî mbere ya Ngai na akona cioneki.

Mathaayo 1:20

Na rîrîa Josefu eeciragia îgûrû rîa maûndû mau, mûraika wa Mwathani nîwamumîrîre kîrotorî na akîmwîra atîrî, “Josefu, we ûrîa wî wa mbarî ya Mûthamaki Daudi, ndûgetigîre kûvikia Mariamu, nîûndû îvu rîu arî narîo riumanîte na vinya wa Roho Mûtheru.

Mathaayo 2:19

Na rîrîa Herode aakwire, mûraika wa Mwathani nîwaumîrîre Josefu kîrotorî arî Misiri

Mathaayo 23:31

Kwoguo mue nîmwîtîkagîra atî mûrî a rûciaro rwa andû arîa maaûragire arathi!

Mathaayo 23:34

Kwoguo, nîngaamûtûmîra arathi, andû aûgî na arimû. Amwe nîmûkaamaûraga, engî mûmambe mûtîrî na acio engî mûmarivîre mavoerorî na ivoko; mûcoke mûmengate kuuma îtûûra rîmwe kûthiî rîrîa rîngî.

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Mathaayo 27:19

Rîrîa Pilato eekarîte nyombarî ya gûcirithanîrua, mûka nîwatûmanire akeerwa atîrî, “Ndûgeke mûndû ûcio wanarî ûndû, nîûndû ndarî ûndû mûcûku ekîte. Nîûndû ûtukû mbîthîrîtwe nthînîkîte mûno kîrotorî gîakwa nîûndû wake.”

Luka 1:11

Zakaria arî kûu hekarûrî ndarî, mûraika wa Mwathani nîwamumîrîre na akîrûngama mwenarî wa ûrîo wa metha ya kîgongoona îrîa yavîvagîrua ûbani.

Luka 1:22

Rîrîa aaumire hekarûrî, nîmaamenyire atî nîwonete kîoneki nîûndû wana ageria kûmarîria, ndaavotaga. Nake nîwambîrîrie kûmarîria na ciîko na kuuma vingo îo agîkara atakûvota kwaria.

Luka 20:6

Nwatî wona twauga, ‘Johana aatûmirwe nî andû,’ andû aya onthe nîmagûtûriva na mathiga nîûndû nîmetîkîtie atî Johana aarî mûrathi.”

Ciîko 10:11

Nîwonire îgûrû rîvingûkîte na kîndû gîkiuma îgûrû gîkariî ta cuka nene îkînyûrûrûkua nthî înyitîtwe mîthiia yayo îna.

Ciîko 10:17

Na rîrîa Petero aamakîte akîrigwa nî ûrîa kîoneki kîu kîeendaga kuga, andû arîa Korinelio aatumîte nîmaamenyete varîa nyomba ya Simoni yarî na vîndî wa îo maarûngamîte kîvingorî.

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

Gûco 18:15

Vandû va ûguo Ngai-Mûnene Ngai wenyu nîakaamûtûmîra mûrathi tanie kuuma kûrî andû enyu. Mûkaamwathîkagîra.

Gûco 18:18

Nîngaamathuurîra mûrathi tawe kuuma gatagatîrî ka andû ao. Nîngekîra ciugo ciakwa kanyuarî gake, na ameerage maûndû monthe marîa ngaamwatha.

Ahib 1:1

Tene Ngai nîwaririe mavinda meengî na njîra nyîngî ngûrani kûrî methe metû na njîra ya Arathi.

Kûguû 11:10

Andû arîa matûûraga gûkû nthî nîmagaakena na macanjamûke nîûndû wa gûkua kwa aira acio aîrî. Nao nîmakaavecana iveo nîûndû arathi acio aîrî nîmatûmîte andû arîa matûûraga gûkû nthî mathînîke mûno.

Kûguû 11:3

Nie nîngaava aira akwa aîrî ûvoti wa kwanîrîra ndûmîrîri yakwa kwa îvinda rîa mîthenya ngiri îmwe na magana maîrî ma mîrongo îtandatû. Nao makeethîrwa mekîrîte nguo cia macakaya.”

1Sam 28:6

Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.

1Sam 3:15

Samueli nîwathiîre na mbere kûmama nginya kîraûko; agîcoka akîramûka na akîvingûra mîrango ya nyomba ya Ngai-Mûnene. Nake nîwetigagîra kûmenyithia Eli ûvoro wîgiî kîoneki kîu.

1Sam 3:21

Nake Ngai-Mûnene nîwathiîre na mbere kwîyonithania kûu Shilo. Kûu nîkuo Samueli aarî vîndî îrîa Ngai-Mûnene aamumîrîrîte na akîmwarîria. Nake Samueli nîwavecanire ndûmîrîri ya Ngai-Mûnene kûrî andû onthe a Isiraeli na makîmîamûkîra.