Ndari 12:2 - ÎVUKU RÎA ÛVORO MWARO

² Nîmaaûririe atîrî, “Nîkwa Ngai-Mûnene arîrîtie Musa tu? Na kinthî wanatue ndatwarîrîtie?” Nake Ngai-Mûnene nîwegwire ûrîa maaugire.

Ndari 12:2 ပူးပေါင်းရင်းမြစ်များ

Kîam 29:33

Lea nîwagîre îvu rîngî na agîciara kavîcî. Nîwaugire atîrî, “Nîûndû Ngai-Mûnene nîwîguîte atî nie nîrî mûmene, ke nîamvete kaana kengî ga kavîcî.” Kwoguo nîwagatuîrîre rîîtwa Simeoni.

2Sam 11:27

Rîrîa îvinda rîa macakaya rîathirire, Daudi nîwatûmanire Bathisheba agîrûe na avirwe kwa Daudi mûciî. Bathisheba nîwatuîkire mûndûmûka wa Daudi na nîwamûciarîre kavîcî. Nwatî Ngai-Mûnene ndaakenua nî ûguo Daudi eekîte.

2Atha 19:4

Nwa kwîthîrwe atî, Ngai-Mûnene Ngai waku nîwegwire maûndû monthe ma kûthekerera Ngai ûrîa ûtûûraga mwoyo marîa mûthamaki wa Asîria aatûmîte ndungata yake. Ngai-Mûnene Ngai waku aroîgua irumi icio na averithie acio marumanîte. Kwoguo voerani andû arîa matigarîte.”

Ntha 4:14

Nake Ngai-Mûnene nîwarakarire nî Musa akîmûria atîrî, “Na kinthî mûrwanyûkwe Aroni ûrîa Mûlawi ndarî vo? Nîmbicî atî nwa amenye kwaria waro. Ke nî aûkîte gûgûtûnga na akwona nî agûkena.

Ntha 4:30

Aroni nîwamerire maûndû monthe marîa Ngai-Mûnene eerîte Musa. Nake Musa nîwaringire ciama cionthe irîa eerîtwe andû makîonaga.

Ntha 5:1

Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Isiraeli augîte atî, ‘Tiga andû akwa mathiî werûrî nîguo makathondeke îruga nîguo mangûngûîre.’ ”

Ntha 7:10

Kwoguo Musa na Aroni nîmaathiîre kûrî mûthamaki na magîka wata ûrîa Ngai-Mûnene amaathîte. Aroni nîwaikirie mûragi wake nthî vau mbere ya mûthamaki na anene ake. Naguo nîwagarûrûkire ûgîtuîka njoka.

Nthi 13:10

Andû arîa etîi matûmaga kûgîe na ngucanio. Nwatî arîa mathikagîrîria mataaro nîmagîcaga ûûgî.

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Mika 6:4

Nie nînaamûrutire vûrûri wa Misiri, na ngîmûkûûra kuuma ûkomborî. Nînaamûtûmîre Musa, Aroni, na Miriamu mamûtongorie.

Ndari 11:1

Andû a Isiraeli nîmaatetire nîûndû wa mathîna marîa moonaga. Rîrîa Ngai-Mûnene eegwire mateta mao, nîwarakarire na agîtûma mwaki kûrî andû acio. Mwaki nîwakanire kûu andû acio maarî na ûkîvîvia mîena îmwe nja ya kûrîa maambîte magema.

Ndari 11:29

Nwatî Musa nîwamwîrire atîrî, “Tiga kûmaka nîûndû wakwa. Nîngîenda Ngai-Mûnene ave andû ake onthe roho matuîke arathi!”

Ndari 12:3

(Musa aarî mûndû mûvoreri mûno. Gûtirî mûndû warî mûvoreri take nthî yonthe.)

Ndari 16:3

Nîmaathiîre kûrî Musa na Aroni na makîmeera atîrî, “Mue rîu nîmwatûra gacere! Andû onthe a Isiraeli nî a Ngai-Mûnene na arî vamwe nao. Musa, nîndûî kîratûma wînenevia gûkîra andû aya onthe a Ngai-Mûnene?”

Aroma 12:10

Endanagani mûndû na ûrîa wîngî ta andû a ng'ina ûmwe. Vecanagani gîtîîo mûndû na ûrîa wîngî.

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

Afil 2:14

Îkagani maûndû monthe mûtagûteta kana gûkararania.

Afil 2:3

Îkagani maûndû mûtakwîyenda na mûtagwîtîîa. Nwatî na njîra ya wînyivia, vingo cionthe wa mûndû nîatucage ûrîa wîngî mwaro kûmûkîra.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”