Ndari 11:24 - ÎVUKU RÎA ÛVORO MWARO

²⁴ Kwoguo Musa nîwathiîre kûrî andû na akîmeera ûrîa Ngai-Mûnene aaugîte. Nîwaûnganirie athuuri mîrongo mûgwanja na akîmeera marûngame mathiûrûrûkîrîtie îgema rîa gûcemanîrua.

Ndari 11:24 ပူးပေါင်းရင်းမြစ်များ

Kîam 3:24

Ngai-Mûnene nîwengatire mûndû na akiga ciûmbe irî mwoyo cietagwa Akerubi mwena wa îrathîro wa mûgûnda wa Edeni, na rûviû rwarîrîmbûkaga mwaki na rwathiûrûrûkaga mîena yonthe. Eekire ûguo nîguo njîra îrîa îthiîte mûtîrî wa mwoyo ndîkathiîrîrwe.

Ndari 11:16

Ngai-Mûnene nîwerire Musa atîrî, “Nyûnganîria athuuri mîrongo mûgwanja arîa wîcî atî nî atongoria a andû a Isiraeli na mûke mûrûngame îgemarî rîa Ngai-Mûnene.

Ndari 11:26

Andû aîrî gatagatîrî ka athuuri acio mîrongo mûgwanja na nîo Elidadi na Medadi, mekarire kûrîa maambîte magema na matiathiî îgemarî rîa gûcemanîrua. Marî kûu magemarî mao nîmaanyûrûrûkîrwe nî roho na wanao makîambîrîria kwaria ta arathi.