Ndari 11:12 - ÎVUKU RÎA ÛVORO MWARO

¹² Tînie naûmbire andû aya kana ngîmaciara! Nîndûî gîatûmire ûndua ta ng'ina wao nîmakuuage ta tûkenge nîmavire vûrûri ûrîa werîre methe mao ma tene na mwîvîtwa atî nîûkaamava?

Ndari 11:12 ပူးပေါင်းရင်းမြစ်များ

Kîam 13:15

We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.

Kîam 24:7

Ngai-Mûnene, Ngai wa îgûrû nîwandutire mûciî kwa vava kûrîa naciarîrwe na nîwevîtire na akîmbîra atî nîakaava njiarwa ciakwa vûrûri ûyû. Ngai ûcio nîagaatûma mûraika wake athiî mbere yaku, nîguo wonere mûvîcîwa mûndûmûka kuuma kuo.

Kîam 26:3

Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa.

Kîam 50:24

Josefu nîwerire aa mûrwang'ina atîrî, “Nîrî vakuvî gûkua. Nwatî gûtirî nganja Ngai nîakaamûtongoria amûrute vûrûrirî ûyû amûvire vûrûrirî ûrîa erîre Iburahimu, Isaka na Jakovu.”

2Atha 10:1

Ahabu aarî na anake mîrongo mûgwanja (70) arîa maatûûraga Samaria. Kwoguo Jehu nîwandîkire maarûa na agîitûma kûrî atongoria a îtûûra rînene rîa Samaria, kûrî atongoria a mîvîrîga, na kûrî andû arîa maamenyagîrîra anake a Ahabu. Maarûa îo yandîkîtwe atîrî,

2Atha 10:5

Kwoguo mûmenyereri wa nyomba ya mûthamaki, atongoria a îtûûra rînene rîa Samaria, atongoria a mîvîrîga na andû arîa maamenyagîrîra anake a Ahabu nîmaatûmanire kûrî Jehu na makiuga atîrî, “Tue tûrî ndungata ciaku, na nîtwîvarîrîtie gwîka maûndû monthe marîa ûgûtwîra twîke. Nwatî tî tîtûthuura mûndû wanarî ûmwe atuîke mûthamaki. We îka wa ûrîa ûrona kwagîrîrîte.”

Ntha 13:11

“Ngai-Mûnene nîakaamûkinyia vûrûri wa Kanaani ûrîa aamwîrîîre mue wana methe menyu ma tene atî nî akaamûva, mwakinya kuo,

Ntha 13:5

Ngai-Mûnene nîwerîre methe menyu ma tene na akîîvîta atî nîakaamûva vûrûri wa Akanaani, na wa Ahiti na wa Amori, na wa Ahivi, na wa Ajebusi. Vûrûri ûcio wîcûrîte ûkî na îria. Mwakinya kuo, mweri wa mbere wa Abibu wa mwaka wa mwaka nwanginya mûgakûngûagîra kîrugo gîkî.

Ntha 33:1

Ngai-Mûnene nîwerire Musa atîrî, “Uma gûkû, we vamwe na andû arîa warutire vûrûri wa Misiri na mûthiî vûrûrirî ûrîa nerîîre Iburahimu, Isaka, na Jakovu vamwe na njiarwa ciao atî nîngaamava.

Ntha 6:8

Nanie nîngaamûvira vûrûrirî ûrîa nerîîre Iburahimu, Isaka na Jakovu atî nîngaamava na nîngaamûva guo ûtuîke wenyu. Nie nî Nie Ngai-Mûnene.’ ”

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 49:15

Mûndûmûka nwa ariganîrwe nî kaana gake karîa arongithia, na arega kwîgua ntha nî mwana ûrîa aciarîte? Wana ethîrwa mûciari wa mûndûmûka nwa ariganîrwe nî mwana wake, nie ndikaariganîrwa nîwe.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Ezek 34:23

Nîngaaithuurîra mûrîthi ûmwe, na nîke Daudi ndungata yakwa na nîagaatuîka mûrîthi wacio. Nîakaairîthia waro na aimenyagîrîre.

Johana 10:11

“Nie nînie mûrîthi mwaro. Mûrîthi mwaro nîarutaga mwoyo wake nîûndû wa ng'ondu.

1Akor 4:15

Nîûndû wana ethîrwa mûrî na arimû matangîtarîka mûtûûrîrerî wenyu wa Ûkristiano, mûrî na îthe ûmwe tu. Na nîûndû wa kwîthîrwa mûrî na ûrûmwe na Jesû Kristû, nînatuîkire îthe wenyu na njîra ya kûmûkinyîria Ûvoro Mwaro.

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

Gûco 1:31

na mwarî werûrî. Nîmwonire ûrîa Ngai-Mûnene, Ngai wenyu aamûtongoririe nginya mûgîkinya gûkû. Aamûmenyagîrîra ta ûrîa kamwana kathiîcaga kamenyereretwe nî îthe.’

1Ath 2:7

Wana ethîrwa nîtûngîekire ûguo na wathani wetû ta atûmwa a Kristû. Nwatî twekaranirie namue tûrî na ûvoreri wata ûrîa ng'ina wa ciana amenyagîrîra ciana ciake.