Ndari 10:29 - ÎVUKU RÎA ÛVORO MWARO

²⁹ Musa nîwerire Hobabu, mûvîcî wa Jethiro, Mûmidiani (Jethiro aarî mûthoniwe wa Musa) atîrî, “Rîu tûthiîte vûrûrirî ûrîa Ngai-Mûnene aatwîrîre atî nîagaatûva. Ûka tûthiî nawe na tûgatûûrania waro; nîûndû Ngai-Mûnene nîerîrîte andû a Isiraeli maûndû maro.”

Ndari 10:29 ပူးပေါင်းရင်းမြစ်များ

Kîam 12:7

Nake Ngai-Mûnene nîwaumîrîre Aburamu na akîmwîra atîrî, “Vûrûri ûyû nîngaaûvecana kûrî njiarwa ciaku.” Kwoguo Aburamu nîwatumîre Ngai-Mûnene ûcio wamumîrîrîte metha ya kîgongoona vau.

Kîam 13:15

We vamwe na njiarwa ciaku nîngaamûva vûrûri wonthe ûcio mûrona, nîguo ûtuîke wenyu tene na tene.

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

Kîam 17:8

Nîngaakûva vûrûri ûyû mûgeni ûtûûraga ûtuîke waku vamwe na njiarwa ciaku. Vûrûri wonthe wa Kanaani ûgaatuîka wa njiarwa ciaku tene na tene na nîngaatuîka Ngai wao.”

Kîam 32:12

Nwatî we nîwambîrire atî nîûkaanthondekera maûndû makwa monthe, na atî nîûkaamva njiarwa nyîngî itangîtarîka ta mûthanga ûrîa ûrî rûtere rwa îria.”

Thaburi 100:1

Andû onthe a nthî, inîrani Ngai-Mûnene mûkenete!

Thaburi 34:8

Tuîriani mwone atî Ngai-Mûnene nî mwaro. Kûrathimwa nî andû arîa mathiîcaga kûrî ke nîguo amagitîre.

Thaburi 95:1

Ûkani tuinîre Ngai-Mûnene, tûkûngûîre îthiga rîa ûvonokio wetû tûkenete!

Ntha 18:1

Jethiro mûthînjîri-ngai wa Midiani aarî îthe wa mûka wa Musa. Ke nîwegwire ûrîa wonthe Ngai eekîte Musa na andû a Isiraeli rîrîa aamarutire vûrûri wa Misiri.

Ntha 18:12

Nake Jethiro, mûthoniwe wa Musa nîwarutire indo cia matega ma kûvîvua na magongoona mengî ma kûrutîra Ngai. Aroni na atongoria onthe a Isiraeli nîmaathiîre kûrîa irio vamwe na Jethiro marî mbere ya Ngai-Mûnene.

Ntha 18:27

Nake Musa nîwaugîre mûthoniwe ûvoro na Jethiro akînûka gwake mûciî.

Ntha 2:18

Vîndî îrîa maacokire kûrî îthe, nîwamaûririe atîrî, “Nîkwa ûmûnthî mwacoka na îvenya atîa?”

Ntha 2:21

Musa nîwetîkîrire gûtûûra kwa Jethiro. Jethiro nîwacokire akîva Musa mwîrîtu wake wetagwa Zipora atuîke mûka,

Ntha 3:1

Mûthenya ûmwe Musa akîrîthia ndîthia ya mûthoniwe Jethiro, mûthînjîri-Ngai wa Midiani, nîwavirire mbûri ikîranîrîtie werûrî na igîkinya kîrîmarî gîa Sinai. Kîrîma gîa Sinai Kîamrî kîrîma kîtheru.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Ntha 6:4

Wana nînarûthire kîrîkanîro nao ngiuga nîngaamava vûrûri wa Kanaani, vûrûri ûrîa maatûûraga ta ageni.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Jeremia 50:5

Nîmakaûrîrîria njîra ya kûthiî Zayuni, merekerete kuo makiugaga, ‘Ûkani tûrûthe kîrîkanîro na Ngai-Mûnene kîrîa gîtakaariganîra.’

Ndari 10:28

Ûguo nîguo ikundi cia andû a Isiraeli ciathiîcaga irûmanîrîrîte ng'endorî ciao.

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Ciîko 7:5

Ngai ndaagaîra Iburahimu wa naarî îkinyo rîmwe rîa vûrûri ûcio. Nwatî Ngai nîwamwîrîre nîakûmûva vûrûri ûcio nîguo ûtuîke wake na wa njiarwa ciake, wana ethîrwa vîndî îo Iburahimu ndaarî na ciana.

Gûco 30:5

Ngai-Mûnene Ngai wenyu nîakaamûcokia vûrûrirî ûrîa warî wa methe menyu nîguo mûwîgwatîre rîngî; nîagaatûma mûthatûkwe mûno na mwîngîve makîria gûkîra methe menyu.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”

Tito 1:2

Ûvoro wa gwîtîkia na kûgîa na ûmenyo wa ûvoro wama nî ûvecanaga kîîrîgîrîro Kîam Mwoyo wa tene na tene kîrîa Ngai ûrîa ûtaveenanagia aatwîrîre kuuma Kîammbîrîria.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.

Atir 1:16

Njiarwa cia mûthoniwe wa Musa ûrîa warî Mûkeni, vamwe na andû a Juda nîciaumire Jeriko îtûûra rîa Mîkîndû na makîthiî werûrî wa Juda ûrîa ûrî Negebu vakuvî na Aradi. Kûu nîkuo maatûûranirie na Amaleki.

Atir 4:11

Vîndî îo Heberi ûrîa Mûkeni nîwatiganîte na Akeni arîa engî arîa maarî njiarwa cia Hobabu ûrîa warî mûthoniwe wa Musa. Heberi aambîte îgema rîake mûtîrî wa mûvuru vau zananimu vakuvî na Kedeshi.

1Sam 15:6

Nake nîwerire Akeni atîrî, “Nyûrûrûkani muume gûkû mûthengutîre Amaleki nîguo ndikamûraganîrie vamwe nao, nîûndû mue nîmwekire Aisiraeli ciîko mbaro vîndî îrîa maaumîte Misiri.” Kwoguo Aakeni nîmaathengutîre Amaleki.