Ndari 1:51 - ÎVUKU RÎA ÛVORO MWARO

⁵¹ Vîndî îrîa îgema rîgûkuuwa, Alawi nîo makaarîambûranagia, na vîndî îrîa rîkûrûngamua, nwao makaarîambaga. Mûgeni wa wonthe ûkarîkuvagîrîria nîakaaûragwa.

Ndari 1:51 ပူးပေါင်းရင်းမြစ်များ

2Sam 6:7

Nake Ngai-Mûnene nîwarakarirue nî Uza na akîmûraga nîûndû wa gûturîra îthandûkû rîa kîrîkanîro gîtîîo. Uza aakwîrîre vau vakuvî na îthandûkû rîa kîrîkanîro Kîam Ngai.

Ndari 10:11

Îtu rîrîa rîarî îgûrû rîa îgema rîa gûcemanîrua nîrîathengutire mûthenya wa mîrongo îîrî mweri wa kaîrî mwaka wa kaîrî kuuma andû a Isiraeli mauma Misiri.

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Ndari 17:13

Mûndû wa wonthe ûgaakuvîvîria îgema rîa Ngai-Mûnene nîagaakua. Nîkwa tûgaakua tuonthe?”

Ndari 17:5

Mûragi wa mûndû ûrîa ngaathuura nîûkaauma mathangû. Ûguo nîguo ngaathiria mateta marîa andû a Isiraeli methagîrwa namo îgûrû rîaku.”

Ndari 18:22

Kuuma rîu andû acio engî a Isiraeli matigakuvîvîrie îgema rîa Ngai-Mûnene nîguo matikevie meretera gîkuû.

Ndari 18:3

Makaarutaga mawîra marîa ûkaamavecaga, na matungatage îgemarî. Nwatî matiagîrîrwe nî gûkuvîvîria indo cia vandû varîa vatheru kana metha ya kîgongoona, nîûndû mûngîgeeka ûguo, we wana o, nî mûgaakua.

Ndari 18:4

Mûkaarutithanagia wîra vamwe nao, na mûrutage mawîra monthe ma îgema rîa Ngai-Mûnene. Gûtirî mûndû wîngî ûkaagûkuvîvîria.

Ndari 18:7

Nwatî we na avîcî aku muenga mûkaarutaga na kinyi mawîra monthe marîa mûthînjîri-Ngai agîrîrwe nî kûruta metharî ya kîgongoona na varîa vatheru Mûno. Mau nîmo mawîra marîa mûkaarutaga, nîûndû nînîmûvete kîveo Kîam gûtuîka athînjîri-Ngai. Mûndû wîngî wa wonthe ûrîa ûgaakuvîvîria varîa vatheru Mûno nî akaaûragagwa.”

Ndari 3:10

Nî ûkathuura Aroni na avîcî ake matuîke athînjîri-Ngai, nwatî mûndû wîngî wa wonthe ûkaageria kûruta wîra ûcio, nîakaaûragwa.”

Ndari 3:38

Musa, Aroni na avîcî ake maambire magema mao mwena wa îrathîro wa îgema rîa Ngai-Mûnene. Wîra wao warî wa gûtungata Vandû varîa Vatheru vandûrî va andû a Isiraeli, na mûndû wîngî wa wonthe ûngîageririe kûruta wîra ûcio nîkwa angîaûragirwe.

1Sam 6:19

Nake Ngai-Mûnene akîûraga andû mîrongo mûgwanja a kûu Bethi-shemeshu nîûndû nîmaaroririe ndaarî ya îthandûkû rîa Kîrîkanîro rîa Ngai-Mûnene. Nao andû acio engî makîgua kîeva nîûndû wa ûrîa Ngai-Mûnene aaûragîte andû eengî gatagatîrî kao.