Ndari 1:1 - ÎVUKU RÎA ÛVORO MWARO

¹ Mûthenya wa mbere wa mweri wa kaîrî mwaka wa kaîrî kuuma andû a Isiraeli mauma Misiri, Ngai arî îgemarî rîa Ngai-Mûnene kûu werûrî wa Sinai nîwarîrie Musa akîmwîra atîrî,

Ndari 1:1 ပူးပေါင်းရင်းမြစ်များ

1Atha 6:1

Solomoni nîwambîrîrie gûtuma hekarû mweri wa Zivu, nîguo mweri wa kaîrî, mwakarî wa kana kuuma Solomoni atuîka mûthamaki wa Isiraeli. Vîndî îo yarî mîaka magana mana ma mîrongo înana (480) kuuma andû a Isiraeli mauma vûrûri wa Misiri.

Ntha 19:1

Mûthenya wa mbere wa mweri wa kathatû kuuma mauma Misiri andû a Isiraeli nîmaakinyire werûrî wa Sinai.

Ntha 19:2

Andû a Isiraeli nîmaaumire Refidimu magîkinya werûrî wa Sinai na makîamba magema mao vakuvî na kîrîma gîa Sinai.

Ntha 25:22

Vau nîvo ngaatûngana nawe. Na îgûrû rîa gîkunîko Kîam îthandûkû, gatagatî ka akerubi acio aîrî marî îgûrû gîkunîkorî Kîam îthandûkû, nîvo ngaakwarîria ngûnengere maathani ma andû a Isiraeli.

Ntha 40:17

Kwoguo mûthenya wa mbere wa mweri wa mbere mwakarî wa kaîrî, îgema rîa Ngai-Mûnene nîrîarûngamirue.

Ntha 40:2

“Mûthenya wa mbere wa mweri wa mbere ûkaarûngamia îgema rîa Ngai-Mûnene.

Alawi 1:1

Ngai-Mûnene arî îgemarî nîwetire Musa na akîmwîra atîrî,

Alawi 27:34

Mama nîmo maathani marîa Ngai-Mûnene aaveere andû a Isiraeli kûvîtûkîrîra kûrî Musa kîrîmarî gîa Sinai.

Ndari 1:18

Mûthenya wa mbere wa mweri wa kaîrî, nîmeetire andû onthe vamwe na makîmandîka onthe wa mûndû kûringana na mûvîrîga wake na nyomba yake. Arûme arîa maarî na ûkûrû wa mîaka mîrongo îîrî kûthiî na mbere nîmaatarirwe na makîandîkwa mûtaratara wao onthe,

Ndari 12:4

Kwoguo Ngai-Mûnene nîwaririe wa rîmwe na Musa, Aroni na Miriamu akîmeera atîrî, “Ûkani îgemarî rîa Ngai-Mûnene wamue athatû.” Nao nîmaathiîre vo.

Ndari 9:1

Ngai-Mûnene nîwarîrie Musa arî werûrî wa Sinai, mwerirî wa mbere wa mwaka wa kaîrî kuuma andû a Isiraeli mauma Misiri na akîmwîra atîrî,

Gûco 1:3

Mûthenya wa mbere mweri wa îkûmi na ûmwe mwaka wa mîrongo îna kuuma andû a Isiraeli mauma Misiri, Musa nîwerire andû a Isiraeli maûndû monthe marîa Ngai-Mûnene aamwathîte ameere.

Gûco 2:14

Kuuma twauma Kadeshi-barinea nginya rîrîa twaringire karûnjî ka Zeredi, twathirîtie mîaka mîrongo îthatû na înana (38). Kavinda kau, rûciaro rwa andû arîa maarî na ûkûrû wa kûthiî mbaararî nîrwathirîte wata ûrîa Ngai-Mûnene eevîtîte.

Gûco 2:7

“Ngai-Mûnene, Ngai wenyu ethîrîtwe akîmûrathima maûndûrî monthe marîa mwethîrîtwe mûgîka, na akîmûmenyagîrîra rîrîa mwaûrûraga werûrî ûyû mûnene ûguo. Ethîrîtwe arî vamwe namue îvinda rîa mîaka mîrongo îna (40) na mwarî na indo cionthe irîa mwavataraga.